Shillong, Kyllalyngkot 10: U nongialam ka liang pyrshah haka iinngdorbar thawain ka jylla u Dr. Mukul Sangma mynta ka sngi ka 10 Tarik Kyllalyngkot 2026, ba dei ruh u nongialam jong ka All India Trinamool Congress ha kane ka jylla mynta ka sngi u la pynbna ka party kan ia shim bynta ha kane General Election sha ka iing dorkar jong ka Garo Hills Autonomous District Council ka ban sa long shen.
Haba kren ha lat pathai khubor ha Shillong Press Club la ong ba baroh ia tip ba ka ain kyntaip seng kam don ha ki District Council kumta ka party kan hap ban peit bniah bha haba ai tiket ba kin nym phet na ka party ne kin nym kyntiap seng kin ianeh ha ka party.
Na ka liang jong ka party shen kan sa khot ia ka application na ka bynta kito kiba kwah ban ia khun ia ka MDC election sha GHADC bad na ka liang ka party kan sa peit bniah bha ha kaba ia dei bad ki kyrtong kiba ka party kan sa pynieng.
U la kynnoh ba ka long kaei kaei kaba sngewsih ban ioh ba ka sorkar kan shym la don katta ka jingkit khlieh na ka bynta ki District Council ha kaba kin shym ioh tulop na ka bynta bun bun bnai,u la kynnoh ba kane ka dei na ka jingshim sting jong ka sorkar jylla.
