Shillong, Lber 11: U myntri rangbah ka jylla u Conrad K. Sangma mynta ka sngi ka 11/Lber/2026 u la pyntip ba ka sorkar kala shim ia ka rai ban pynsangeh shwa shipor ia ka elekshon MDC sha ka iing dorbar thawain jong ka Garo Hills Autonomous District Council.
Ha ka jingpynbna mynta ka sngi u myntri rangbah ka jylla u Conrad K. Sangma u la ong ba namar ki jingjia ha kine ki sngi ha Garo Hills bad ban shahskhor ia ka jingsngew jong ki paidbah ka sorkar kala shim ia ka rai ban pynsangeh shwa ia ka MDC elekshon sha ka dorbar GHADC.
U myntri rangbah u la ong ba kin nang ia shong ban ia pyrkhat kumno ban shim ia ki rai nangne sha khmat hynrei ia mynta la rai ban pynsangeh shwa ia ka elekshon. Ia kane ka rai la pyntip mynta ka sngi da u myntri rangbah ka jylla.
