Shillong, Nohprah 29: U President ka seng HNYF jong ka Eastern Zone jong ka Ri Bhoi District u bah Apbor Nongrum u la ong ba ka dei kumba la mih khubor ba kila don 7 ngut ki briew kiba la leit ban pyndem ha khmat ki pulit jong ka Diengpasoh ha East Khasi Hills District ha kaba ia dei bad ka jingshah pyniap u bah Shamping Mangu ba na ka shnong Tyrso.
Katkum ka jingtip kaba la iathuh da ki pulit la ong ba kine ki 7 ngut kiba la leit ban pyndem ia lade ha khmat ki pulit ki 6 ngut ki dei kiba trei ha ka khyrdop khrong pisa ka NAHAI kaba don ha Diengpasoh bad u wei dei ba shu leit ban but, kane ka long kaba la paw ha ki lat pathai khubor.
La iathuh ba na ka liang jong ka seng kila leit ban ai da ka jingthoh sha ka NAHAI ha kaba ia dei bad katei ka jaka khrong pisa ia ki kali kiba leit ban wan katei ka jaka namar ki dei ki nongtrei katei ka khyrdop, ban pynkynmaw u tei u rangbah la khlad ha ka 20 tarik mynta u bnai na ka daw jong ka jingshah shoh.
Halor kane ka jingshah pyniap na ka liang jong ki pulit jong ki lai tylli ki thanad, Ka Mawlasnai, ka Khapmara kiba dei ha Ri Bhoi District bad ka Diengpasoh Police Station ha East Khasi Hills kaba katei ka jingiapyniap briew kala jia kila shum khia ba tang hapdeng hynniewsngi kiba suba don kti kila leit ban pyndem ha khmat ki pulit.
