Shillong, Lber 23: Ka kynhun shipai Assam Riffle kaba dei ka kynhun shipai bala rim tam ha ka Ri India mynta ka sngi kala pynlong ia ka jingleh burom ia ki shipai kiba la shongthait na ka kam ha dien ba kila ai ka jingshakri ban iada iala ka jong ka ri kum ki shipai.
Ha kane ka jingpyndon burom ia ki shipai kiba la shongthiat kiba la len lade na ka bynta ka ri kum ka jingburom ia ki la pynlong bun ki jingleh kyrpang da kaba buh syntiew ha u mot ba la shan kyrpang na ka bynta jong ki kum ka jingburom bad ha kane sngi la kynmaw burom ia ki kam kiba khraw.
Ka kynhun shipai Assam Riffle haduh mynta ka dang don 97,264 ngut ki shipai kiba la shong thait, ban peit ia ka jingdon kam jong ki ki don 587 tylli ki jaka ha baroh ki jylla jong ka Ri India bad 35 tylli ki ophis ban peit ia ka jingtreikam na ka bynta kiba la shong thait bad lai tylli ki ophis kiba peit tang ban siew ia ka bai bam tynmen.
Ha kane ka jingpyndon burom ki shipai kiba la shong thait kiba la wan ban ia shim bynta ki long 118 ngut kiba dei na kane ka jylla Meghalaya, ia kane ka sngi la pynphuh da ka jingdon lang u Lt Gen Vikas Lakhera, AVSM, SM, DG Assam Rifles kum u kongsan bad ha ka jingkren ka jong u la ai ka jingiaroh ia baroh kiba la noh ia ka bynta ka jong ki hala ki bynta bynta.
