Mawkyrwat, Kyllalyngkot 27: Ar ngut ki briew kiba kam ia lade ba ki dei ki dkhot jog ka seng lehnoh GNLA ki la shah pyniap ha ki paidbah ha ka 24 tarik mynta u bnai ha ka jaka tih dewiong kaba don ha Tyra, kabas hap hapoh jong ka Ranikor Police Station.
Katkum ka jingiathuh jong ki pulit ki ong ba kane ka jingjia ka jia ha ka por mynsngi ha kaba kine ki briew kiba ym pat lah ban tip ia ka kyrteng jong ki haduh mynta ki la leit ha katei ka jaka ban dawa pisa na ki nongtrei dewiong kine ki nongtrei dewiong ki la ia mih bad bom ia ki haduh ban da iap.
Na ka liang jong ki pulit haduh mynta kim pat lah ban pynshisha la ki dei ki dkhot jong ka seng GNLA ne dei tang ki khynnah tuh kiba leh ia ki kam pyntrei da kaba kam ia ka kyrteng jong kiwei. Ka met iap jong ki mynta ki la buh ha Mawkyrwat, lada don kiba kwah ban kam ia ka met jong ki ki lah ban leit ia kynduh ia ki pulit ha Mawkyrwat.(SP News)
