New Delhi, Jylliew 25: Ka iing dorbar Parliament jong ka Lok Sabha la shai ka sngi kan jied ia u Speaker ba thymmai jong ka iing dorbar kaba 18th jong la Lok Sabha, ha kaba ka kynhun NDA kala pynieng biang ia u Om Birla kum u kyrteng bad na ka liang jong ka INDIA kala pynieng ia u K Suresh ha kane ka elekshon ban long la shai ka sngi.
Ha kane ka iing dorbar kaba don 543 ngut ki MP ka kyhun jong ka NDA ka don 293 ngut kata ka kynhun INDIA ka don 237 ngut, kane ka elekshon ban long shai ka sngi ban jied u Speaker kan long kaba don kam ia kane ka sorkar bala ialam da ka BJP bad khamtam ia u Myntri Rangbah duh ka Ri India u Narendra Modi.
Kane ka Elekshon Speaker kaban long la shai k sngi ka long kum ka jingtynjuh bor ia kane ka sorkar NDA, kaba la ialam da ka BJP, na ka jingdon ki MP lah ban shim ba u Om Birla MP na ka BJP un wan phai biang kum u Speaker ka Lok Sabha.
Ha kane ka sngi ki MP na kane ka jylla Meghalaya u Saleng A Sangma na ka party Congress bad u Dr. Ricky Andrew J Syngkong kila pyndep ia ka jingbam smai ka jong ki mynta ka sngi ba kin long ki dkhot ba pura jong ka Lok Sabha.
