Shillong, Nailar 31: Ka Deputy Commissioner jong ka East Khasi Hills District ka kong R M Kurbah kala pynjari ia ka kyndon 144 CrPC ha kaba la khang pyrshah ia kino kino ki kynhun ban pynlong ia ka jingiaid paidbah ne ka jingiakhih hapoh ka 200 meter sawdong jong ka Meghalaya Secretariat, bad Raj Bhavan Shillong.
Na ka liang jong ka Deputy Commissioner ka don ka jingsngew ba lada shah kan wanrah ia ka jingsahkut kali, ka jingpynthud ia ki nongleit nongwan, ia ka shong suk shongsain, lada ki don kino kino ki jingialum paidbah kiba khlem ioh jingbit na ki bor ba dei peit.
Lada don kiba pynkhien ia ki kyndon kin shah pynshitom katkum ka kyndon ain 188 IPC, la khang ban pynlong ia kino kino ki kyndhun ban pynlong ia ka jingialang paidbah hapoh ka 200 meter na Secretarait bad Raj Bahvan Shillong, la khang pyrshah ban rah ia kino kino ki tiar pynmynsaw.
Na ka jingkyrkieh jong ka kam na ka liang jong ka Deputy Commissioner jong ka East Khasi Hills District kala pynjari ia kane ka hukum ba kan trei kam noh mardor.
