Shillong, Naitung 03: U Symbut Myntri Rangbah ka jylla u Bah Prestone Tynsong u la pynbna ba ka sorkar kala shim ia ka rai ban pynbna ia ka Korphiew naduh ka por 9.00 pm mynta ka meit haduh ka sngi Nyngkong mynstep naduh Byrnihat haduh Khanapara kaba hap hapoh jong ka Ri Bhoi District.
U Symbut myntri rangbah u la ong ba ka sorkar kala shim ia kane ka sien jam ka long na ka daw ba kala don ka jingkiew jong ki briew kiba shitom COVID-19 ha katei ka jaka namar ba ka ia khap bad ka sorkar Guwahati, kumta ka sorkar kala shim ia kane ka rai ban pynjari ia ka korphiew, ha ka juh ka por la ai bor ia ka DC ba kan peit lada don kam ban pyniar shuh shuh ia kane ka Korphiew.
Ka sorkar kala shim ia ka rai ruh la shai ka sngi ka sorkar kan phah ia ki briew jong ka tnad ka koit ka khiah ban shim nongmuna na ki paidbah nongshong shnong ha katei ka thain khappud bad ka sor Guwahati jong ka jylla Assam. La shim ia kane ka long ba la iohi ba kane ka jingshitom kala kham kiew ha kitei ki thain.
Haba ia dei bad kane ka korphiew la bthah ia ki briew ba kin shong khop ha ki iing ki sem bad kim dei ban mih, ha dien ba la kut kane ka por ka sorkar kan sa shong biang ban bishar la kane ka korphiew kan dang beteng ne kin pynkut noh bad kane kan long katkum ka kahiphot kaba ka District Administation kan ai.
