Shillong, Iaiong 01: Ka Khasi Students’ Union myn ha ka 31 Tarik u Lber 2026 , ka la ioh ban pynkha sa kawei pat ka shlem treikam jong ka kaba don hapoh Assam iakaba la tip kum ka Khasi Students’ Union Assam University Unit, kaba hap hapoh ka jingpeit jong ka KSU Barak Valley Circle.
Ia kane ka shlem treikam kaba thymmai la pynskhem da u samla Donald V .Thabah General Secretary ka KSU Sengkmie ha kaba la ia don ryngkat lang da u Samla Manly Nongpluh Finance Secretary ka KSU CEC, Samla Alerick Kharjana Assistant Office Secretary KSU CEC,Samla Phrangki Papang Finance Secretary KSU West Jaintia Hills District.
Samla Kwilness Suchiang General Secretary ka KSU East Jaintia Hills,Samla Johny H Nongrum Sports Secretary KSU North Khasi Hills District,Samla Walton Rymbai President ka KSU Barak Valley Circle ryngkat ki Nongialam ka Barak Valley Khasi Jaintia Welfare Organisation BVKJWO naduh u President Charles Rymbai, Secretary Wanbor Pdang.
Samla Paul Majat President ka KSU Vairengte Unit( Mizoram) Samla Paul Shylla Nongialam ka seng napoh Jylla Manipur bad ki Nongialam jong ki Seng samla pule ba kiwei kiwei pat ki Jaitbynriew riewlum kiba pule hapoh katei ka skul bah.
Iaka jingialang pynskhem iaki nongkitkam ba thymmai la pyniaid da u samla Chanbor War, Vice President ka KSU West Jaintia Hills District.
U Samla Donald V Thabah haba kren iaki samla ha kane ka sngi u la ong ba kum ka Jaitbynriew Khasi ngi dei ban ia tylli kawei khnang ba kiwei ki Jaitbynriew kin nymlah ban ialeh pyrshah iaka Jaitbynriew jong ngi. Ula ong ruh ba lada ngi don ha Assam, ha Bangladesh ne ha kino kino ki jaka ruh, yn nym don ba lah ban pyniakhlad ia ka jinglong kawei ka Jaitbynriew, da kaba ong ruh ba ngi long ki Khasi khlem pud,
Ka samla Deivica Dkhar haba ai jingkren ka la ong ba ka jingthaw iaka shnat treikam jong ka KSU hapoh Asaam University ka long ka jingangnud jong baroh ki samla pule Khasi ban ia tylli lang kawei bad ban ia kyrshan lang iwei ia iwei khamtam ban ri ia la ka akor ka burom bad ka longrynieng lajong haba ngi don sha ri nongwei.
Ka la ong ruh ba kum ka Seng, ngi angnud ban pynsaphriang iaka jingnang jingstad sha baroh ki Para Khasi khamtam kiba don hapoh Barak Valley, ngi don ruh ka jingangnud ban ai jingtip sha baroh ki Samla pule Khasi shaphang ka Assam University khamtam haki por pynrung klas.
Harum ki long ki nongkitkam ba nyngkong duh ka KSU Assam University Unit,Silchar
President- Deiwica Dkhar (Research Scholar, Department of Physics)
Vice president- Lorina D Tariang (Research Scholar, Department of Linguistics)
General secretary – Ialumlang Pakyntein (M.Sc Department of Ecology and Environmental Science)
Assistant General Secretary- Karmes Khongsngi ( M.Sc, Department of Ecology and Environmental Science)
Financial Secretary- Ganold Marwein (M.A Department of Fine Arts)
Organising Secretary- Diammon I Surong (M.Sc Department of and Environmental Science)
Education Secretary- Lanaika Sutnga ( Research Scholar, Department of Social Work)
Information Secretary- Amanda Thabah (Research Scholar, Department of Social Work)
Sports secretary- Everlasting Amse ( M.Sc , Department of Life Science and Bioinformatics)
Advisor- N Bevan Arena Kharbithai ( Research Scholar, Department of Physics)
