New Delhi, Naiwieng 13: Naduh ba ka International Film Festival of India (IFFI) ka la skhem ha Goa, ka jylla ka pdiang kylluidia kane ka tamasa bad ki nongiashim bynta jong ka. Ka jingpdiang kylluid jong ka jylla ka long haduh kattakatta, ba ki don ki prokram bapher bapher bad kiba khring ha man ka bynta jong ka tamasa.
Ka Goa kan leh ha kata ka rukom ban khring ia ki nongwan peitkai ba kin kwah wanphai biang. Nalor ka jingpyniia ka tamasa, ki masterclass bad ki jingiamir jingmut kilong katto katne ki prokram kiba phi lah ban iohi, ban mad ha ka bynta ba 53 jong ka IFFI.
Ka jaka pynlong ia ka Tamasa, Ka ‘lynti sha ka jingjop’ ka lah ban plie ryngkat ki jingpynthut, hynrei ka ‘lynti’ sha ka IFFI kanplie lad ia ki jinglehkmen. Ka jingiaid lynti ka Tamasa, lane ka jingiaid lynti ka sdang na Kala Academy ha Panaji sha ki phyllaw jong ka Entertainment Society of Goa ki ban pynitynnad da ki art installation.
Ki kam kiba khringia ka jingiaroh bad ai mynsiem ia ka jingpuson ki thmu ban pynsngewtynnad ia ki delegate bad kiwei kiwei ki briew. Ki jingbun ki jaka die bam ha ka jaka pynlong ia kane ka tamasa kaba tip kum ka Festival Mile ka dei ka ban dap da ki nongjngohkai, ki briew na kane ka jaka bad ki delegate kiba kwah ban thied ia ki mar bam kiban aibor ia ki.
Na ka bynta ki nongjngohkai bad ki nongshong shnong jong ka thain ki bym pat pynrung kyrteng kum ki delegate na ka bynta ka tamasa, ka IFFI 53 ka la rai ban buh ia ka thong. Da kaba pyni khlem jingsiew ia katto katne ki bynta ba ki delegate jong ka IFFI ki sngewtynnad.
Ka IFFI 53 ka buh thong ia kito ki bym pat sngewthuh ia la ka jingsngewtynnad ia ki kam shna phlim bad peit la kin nym iasoh bad ki delegate bad pynrung kyrteng ha kawei pat ka bynta ka ban wan! Yn plieia ki jingkhang na ka bynta ki kam cinema kiba khraw khlem donkam jingsiew ha Joggers Park ha Altinho, RavindraBhavan ha Margao bad Miramar Beach.
Watla ki jingpyniia ki phlim lane ka screening, ki jingiamir jingmut bad ki master class hi kin don shibun ki jingpynbyrnia, ban twad ia u pud jong ka jingsngewtynnad bad ki kam pynbyrnia.
Yn plie ia kine ki jaka pynbyrnia na ka bynta ki delegate bad ki briew ki bym dei ki delegate ha ka por jong ka tamasa. Ha baroh artyllikine ki jaka yn don ki live performance, ki art installation bad kumjuh ruh ki jaka bam.
Ka International Film Festival of India (IFFI), kadei kaba la seng ha u snem 1952, kadei kawei na ki film tamasa ba pawnam tam ha Asia. Ka jing thmu jong ka International Film Festival of India kalong ban rakhe ia ki phlim, ki khana ba ki iathuh bad ki briew ba donkti ha lyndet jong ki.
Da kaba leh kumne, ngi ialeh ban pynshlur, ban kyntiew bad pynsaphriang ka jingiaroh bad ka jingieid ia ki phlim kaba jngai, kaba iar bad kaba jylliew ban wanrah ia ka jingieid, ka jingsngewthuh bad ka jingsngew shipara hapdeng ki briew; bad ban ai mynsiem ia ki ban kiew sha ki kyrdan ba thymmai jong ka jingtbit.
La pynlong ia ka Tamasa man ka snem da ka Tnat Information and Broadcasting, Sorkar India ha ka jingiatreilang bad ka Entertainment Society of Goa, Sorkar Goa, ka jylla kaba pynlong ia kane ka tamasa.
Ia baroh ki jingtip shaphang ka IFFI kaba 53 lah ban ioh ha ka website jong ka tamasa ka www.iffigoa.org, ha website jong ka PIB (pib.gov.in), ki social media account jong ka IFFI ha Twitter, Facebook bad Instagram bad kumjuh ruh ha ki social media jong ka PIB Goa. Dang iaiap, to ngin dang sah ha ka jingsngewtynnad ia ka jingrakhe ia ki kam shna phlim … bad iasam ia kane sha kiwei.
