Shillong, Rymphang 09: U myntri rangbah ka jylla Meghalaya u Conrad K Sangma u dei u wei na pdeng ki 19 ngut kiba shah pynkupburom ha ka Catholic Bishops’ Conference of India (CBCI) kala pynkup burom da ka CBCI National Awards 2026.
Kane ka jingpynkup burom ka dei ka sien kaba nyngkong bala ai sha myntri rangbah u Conrad K Sangma ha ka jingialang kaba 37 ka jingialang kaba juh long shisien shisnem jong ka CBCI ha St John’s Medical College, Bengaluru mynta ka sngi.
Ka CBCI ka ai ia kane ka burom sha ki riew shimet kiba la ai ka jingkyrshan kabab or bah ka jong ki sha ki kam balang, sha ka bad ban pynphriang ia ka gospel bad ka jingnoh syniang sha ka imlang sah lang jong ki khun bynriew.
Ka jingai iakane ka khuborm ka long ha dien bala bishar ia ka jingpynioh ia ka hok, ka pule puthi, ka jinglong nongialam bad ban wanrah ia ki rukom treikam kiba thymmai bad kine ki iaid ryngkat ryngkat bad ka jingngeit bad ka jingnoh syniang ha ka jingmang jingstad bad ban kyntiew ia ka ri ha baroh ki liang.
Kane ka burom kaba la ai ka long ban dang ai mynsiem shuh shuh ba kin dang lah ban trei shuh shuh ban wan rah ia ka jingiatylli ha ka ri, ban pynioh ia ka hok, ban wanrah ia ka jingsngewjan para briew ban kyntiew ia ka ri katkum ka riti synshar ha ryngkat ka jingpynkhlain ia ka jingngeit katkum ka gospel.
Haba kren ha kane ka sngi u myntri rangbah ka jylla u Conrad K Sangma u la ai khublei ia ka CBCI kaba la jied ia u ban ai ia kane ka burom bad kane kan dang ai mynsiem shuh shuh ban trei katkum ka jinghikai ka balang.
Ha kane ka sngi u la ong ba u ai ka burom sha ka balang ha ka jinglah jong ban ia byntin lynti lem ia ki khun samla bad kane ka dei ka bynta kaba kum ka balang ia ka kynduh ha kaba ia dei bad ki samla ha kylleng jong ka ri bad u kyntu iaki samla ban ia shim bynta haka sain pyrthei bad kiwei kiwei ki bynta.
Kiwei kiba la don ha kane ka sngi ki long u K J George, myntri ba dei peit iaki kam bor ding ka jylla Karnataka, ki Bishops ka ri India, ki nongialam niam,kiba la shah khot kyrpang bad kum juh kiba trei mon sngewbha ha ki kam paidbah.
