Shillong, Jyllalyngkot 25: Man u snem ha ka sngi rakhe ia ka Republic Day la juh ai ia ka khusnam sha ki riew paidbah kiba la ai ka jingshari ha ki kyran bapher bapher ha ka imlang sahlang kaba ki trei bad kane ka kyrdan “Padma Shri” ka dei ka khusnam kaba heh duh na ka bynta ki riew paidbah, kine ki don lai bynta, Padma Vibhushan, Padma Bhushan bad Padma Shri.
Ia kane ka khusnam la pynkup burom da ka President ka Ri India ha ka jingialang kaba juh pynlong ha Rashtrapati Bhawan ha u bnai Lber lane Iaiong jong man u snem bad na ka bynta jong mynta u snem 2026 ka president kala ai ka jingmynjur ia ki 131 ngut baroh ki ban ioh ia katei ka kyrdan bad mynta u snem don ar ngut bala ai bad ia kane ka khien tang kawei.
Kiba ioh ia ka khusnam Padma Vibhushan ki don san ngut, ha ka khusnam Padma Bhushan ki don 13 ngut bad ha ka khusnam Padma Shri Awards ki don 113 ngut bad na kine 19 ngut ki dei kiba shah sha bar jong ri kiba la niew ba ki dei ki nongwei bad 16 ngut kiwei pat la ai ha dien ka jingkhlad ka jong ki.
Mynta u snem na Meghalaya kaba la ioh ia ka khusnam Padma Shri ka dei ubah Hally War, ia kane ka khusnam la pynkup ha u namar ki kam trei mon sngewbha ki jong u.
