Shillong, Naitung 06: Ka Meghalaya Pradesh Congress Committee hapoh ka jingialm jong u Bah Vincent Pala Kum u President mynta ka 6 tarik u Naitung 2024 ki la pynlong da ka jingpynkup burom ia u Saleng Sangma u ba la jo pia ka Election MP sha Lok Sabha napoh ka Tura.
U Saleng u la jop pyrshah ia ka Agatha Sangma ka ba dei ka Khun jong u (L) Purno Sangma. Ia kane ka jingpynkup burom la ioh ban pynlong ha poh U Soso Tham Auditorium Shillong ha ka jingiadon lang ryngkat ki nongialam jong ka Meghalaya Pradesh Congress Committee ki ba kynthup ia u bah R V Lyngdoh MLA, bah P N Syiem MDC, Bah Cherles Marngar MLA bad kiwei kiwei pat.
Ha ba ioh ban ia kren bad ki nongthoh khubor na ka liang u Saleng Sangma u la pynpaw ba un shah pynkupburom bad u dap da ka jingkmen bakhraw ia kane ka sngi.
U la ong ruh b akum u MP u kular ban rah ia ki mat ki ba iadei bad ka Jylla kum ka ILP bad ka jingkynthup ia ka ktien Khasi bad Garo ha ka khyrnit ka ba phra bad kumjuh ruh ban peit lang ia ki jingeh jong ka thain shatei lam Mihngi.
U la ong ruh ba ka jingkhublei ba kyrpang kaleit sha u bah Vincent Pala bad kum juhruh sha ka Debora Marak ki ba la ai ka jingkyrshan ba pura ia u ba unjop bad u la ong ruh ba ka jingjop jong u ia kane ka MP election ka la long ka ba kham phylla.
La ong ba ki nong ialam jong ka AICC kim da pynleit jingmut ba kin ioh ka jingjop napoh ka Tura seat, kumta u Saleng u la pynpaw ka jing ai khublei kyrpang ruh sha ki paidbah ka Tura ki ba la ibit ia u ba unlong kum u MP ka Tura.
Ha kane ka sngi la pdiang Burom ia u Saleng da ki jingrwai tynrai bad ki jing shat tynrai na ki jaitbynriew Garo bad ruh ki Khasi. La ioh ruh ia ka jing kren pdiang na u secretary ka MPCC u bah Charles Marngar, bad ia ki kyntien ai khublei la ioh na u bah PN Syiem Working president ka MPCC.
