Shillong, Jylliew 24: Ka sorkar mynta ka sngi kala pynmih ia ka jingpynbna sorkar ba la pynkyriah kam ia ki IAS ophisar, ha kane ka jingpynkynriah kam ka kong R M Kurbah IAS, kala shah thung biang kum ka Deputy Commissioner ka East Khasi Hills District.
Ia u SC Sadhu IAS, ha thung biang kum u Secretary ka tnad pynroi nongkyndong, ka tnad ri dohkha, ka tnad ri mrad, ka tnad pynneh pynsah ia ka um ka wah, bad un long u Director ruh ka tnad pynroi nongkyndong.
Ia u Deputy Commissioner jong ka East Jaintia Hills District u A. Baranwal IAS, la pynkynriah bad thung kum u DC jong ka Ri Bhoi District bad ia u DC jong ka South Garo Hills District u S.Awasthi IAS kum u DC ka Ri Bhoi District.
Katba u Pilot R Marak MCS ba dei u ADC un peit kum u Deputy Commissioner jong ka South Garo Hills District. Kane kan trei kam naduh ka sngi ba shimti ia ka kam, ia kane ka jingpynbna la soi da u bah CVD Diengdoh IAS Commissioner bad Secretary jong ka tnad Personal.
