Shillong Jymmang 26: Ka Adviser jong ka Sein Jaintia Womens Wing Shillong ka Kong Maya Kyndiah ha ka 24 tarik u Jymmang, kala pyllait paidbah ia ka kot Meghalaya GK 2025-26 kaba la thoh da ka Kong Minimon Laloo.
Ia kane ka kot Meghalaya GK 2025-26 la pyllait paidbah ha ka ophis treikam jong ka Sein Jaintia ha kaba la iadonlang ki Executive Members jong ka Sein Jaintia Womens Wing Shillong bad ia kane ka kot lah ban ioh na ki dukan die kot bad ki jaka die kot khubor kiba don ha MUDA Complex.
Ban pynkynmaw ka kong Laloo kala thoh ban pynmih ia ka Meghalaya General Knowledge naduh u snem 1999 bad khlem pyndukut kala lah banpynmih ha kine ki 26 snem lynter, ym tang katta kala thoh ruh haduh 78 tylli ki kot.
Ka kong Laloo kala thoh ia ka Meghalaya General Knowledge naduh ka por ba ka dang ong ha ka kam sorkar ha PWD bad ka dang iai bteng ia kane ka kam thoh kot wat ha dien ba ka long shong thiat na ka kam ruh, kane ka Meghalaya GK ka long kaba ai jingtip ia ki jingjia ba dang shen ha ka jylla.
