New Delhi, Nohprah 26: Ka President jong ka Ri India ka Droupadi Murmu, kala pynlait paidbah ia ka kot Riti Synshar ka Ri India ha ka ktien Santhali ha ka jingialang kaba la long ha Rashtrapati Bhavan ha ka 25/12/2025.
Ha ka jingkren jong ka President ka Ri India kala ong ba ka long kaei kaei kaba sngews kmen bad sngew sarang ban ia ka riti synshar jong ka Ri India kala ioh ban pule ha ka ktien Santhali ia kaba la thoh da ki dak Ol Chiki script. Kane kan iarap ia ki ba kin sngewthuh ia ka riti synshar ka Ri India.
Ka President kala ong ba mynta u snem ka dei ka snem kaba ki leh burom ia ka jingdap shispah snem ka jingthoh ia ki dak Ol Chiki script. Ka ai ka burom ia u myntri ka sorkar pdeng ba dep peit ia ka ain kiba la lah ban wan rah ia ka kot ha ka riti synshar ka ri ha ka ktien Ol Chiki script.
Kiwei kiba la don lang ha kane ka sngi ban ia skhi lang ki long u Vice President ka Ri india u C. P. Radhakrishnan, u myntri ka sorkar pdebng ba dei peit ia ki kam ain u Arjun Ram Meghwal.
Ia ka ktien Santhali la pynrung ha ka khyngit kaba phra jong ka riti synshar ka Ri India ha ka jingwanrah ia ka jingpynkylla kaba 92nd Amendment Act, 2003, kaba dei kawei na ki ktien kiba la rim tam ha Ri India kaba dang sah ha duh mynta bad ia kane ka ktien la kren da ki riewlum kiba sah ha ka jylla Jharkhand, Odisha, West Bengal bad Bihar.
