Shillong, Risaw 14: U Chief Executive Member ka Khasi Hills Autonomous District Council (KHADC) u bah Pyniaid Singh Syiem mynta ka sngi ka 14 tarik u October 2024 u la pynlait paidbah ia ka kot ba la ai kyrteng “Ka Sain Pyrkhat u Khasi” ia ka ba la thoh da u bah Phrikshon Kharshiing.
Hakane ka jingpynlait ia ka kot la wan ban ia don lang CEM ka KHADC kum u kongsan ha ryngkat ki EM ka KHADC, ki nongkit kam jong ka Khasi Author Society(KSA) ki ba ha iing ba hasem ka kurim bad ki khun jong u bah Phrikshon.
Ha ba kren kum u kongsan ha kane ka sngi u bah Pyniaid CEM u la ongba na ka liang ka KHADC ka ai khublei ia u bah Phrikshon u ba la shim ia ka bynta ban pyneh pynsah ia ka thoh ka tar. U la ong ruh ba na ka liang ka KHADC ka la khot shakhmat ia ki research scholar ban ia tynrong lem ia ka thoh katar.
U bah Pyniaid u la ongruh ba ka jingdon jong ki nongthoh kan iarp shibun ia ka KHADC ban pynskhem ia ki riti ki dustur ki ba ki long shwa ki man shwa ki buh beot buh ryntih.
Kat na kaliang u bah Phrikshon Kharrshiing u la pynpaw ka jingkhublei ia ki ba ha iing ha sem, ia ka KHADC bad ia ka KSA ki ba la ai ka jingiarap ka ba kyrpang ha ka ban pynbit pynbiang ia kane ka kot.
U bah Phrikshon u la ong ruh ba kane ka sngi ka ba u pynlait ia kane ka kot ka long kaba kham kyrpang ha ka ba ka dei ka sngi kha jong I lok jong u.
Ha kane ka ka jingialang ba lynkot la ioh ruh ia ki kyntien pdiang na I Dr Cherry Kordor Kharshiing, ka jingkren maitphang ha lor ka kot da I Dr Ailynti Nongbri bad ia ki kyntien ai khublei la ai da u bah Phrikshon Kharshiing u trai jong ka kot.
