Shillong, Risaw 13: Kum ka jingpyrshang ban ai jingtip sha ki paidbah ia kaei kaba ka ophis jong u lat ka jylla ka trei na ka bynta ka bha ka miat jong ki paidbah ka jylla Meghalaya u Lat ka jylla u Phagu Chauhan mynta ka sngi u la pynlait paidbah ia ka khubor ba shisien lai bnai ia kaba la ai kyrteng “Raj Bhavan Mirror”.
Ia kane ka khubor kaba shisien lai bnai kaba la pynmih na Raj Bhavan Shillong ia ka kotpi kaba nyngkong la pynlait pidbah mynta ka sngi da u Lat ka jylla ha Raj Bahvan Shillong ha ka jingiadon lang ki nongtrei katei ka ophis.
Kane ka dei ka sien kaba nyngkong kaba la pynmih ia kum kane ka khubor na ka ophis jong u Lat ka jylla bad kane kan ai ka jingshakri kum ka jingkhang ban ai lat ia ki paidbah kiba pule ban iohi ia ka jingaiti bad ka jingpynleit jingmut bad ka jingpyrshang na ka bynta ka roi ka par ha kane ka jylla baroh kawei.
