Shillong, Lber 25: Da kaba ban jur ïa ka jingdonkam jong ka jingkhuidjingsuba bad ka jingbam kaba tei ia ka met hapdeng ki samla pule, ka Central Bureau of Communication (CBC), Shillong, ka la pynlong ïa ka prokram ai jinghikai halor ka Swachhata bad ka bam kaba tei ia ka met ha skul Clear Springs mynta ka sngi, kaba ïahap bad ki jingthmu jong ka Swachh Bharat Mission bad ka POSHAN Abhiyaan.
Ha kane ka prokram la don ruh ki jingiakopkyllijingkylli bad ki jingiakopdro ba la saindur khnang ban kyntiew ia ki khubor ba kongsan ha ka rukom kaba bun ki jingiakren bad kaba phylla. Ki samla pule ki la iashim bynta da ka jingshitrhem kaba khraw, da kaba pyni ia ka jingsngewthuh jong ki lyngba ki jubab bad ki jingdro jong ki. La ai khusnam sha ki nongjop ban pynshlur ia ka jingbteng ka jingiashim bynta.
Haba ai jingkren sha ki samla pule, da kaba pyndonkam da ki dur bad ki nuksa ba lah ban iohi, ka Kong Palvy Dora Lyngdoh, IEC Specialist, ka Tnad kam pynroi sor, ka la pynlong ia ka jingai jingtip shaphang ka jingkhuidjingsuba bad ka jingpynkhuid ia ki jabohjabaiñ da ka jingkitkhlieh.
Ka la batai bniah shaphang ki kyndon jong ka Solid Waste Management Rules, 2016, da kaba pynleit jingmut kyrpang ha ka jingpynkhuidïa ki jabohkatkum ka jingstad saian bad kito kiba kham kyrpang, da kaba ban jur ïa ka jingdonkam jong ka rukom pynkhuid ia ki jabohjabain ha ka rukom kaba iahap bad ka jingim.
Da kaba ban jur ia ki rukom treikam kum ka jingpyniakhlad naduh tyllong, ka jingbymbretjaboh, bad “Ka niut jong nga, ka jingkitkhlieh jong nga,” ka la pynshlur ia ki samla pule ban pdiang ia ki jinglong ba don jingkitkhlieh ia ka mariang ha ka jingim jong ki kaba man ka sngi.
Ka la ong shuh shuh ba ki jaka pule ki don ka bynta kaba kongsan da kaba pdiang ïa ki rukom pynkhuid kiba ryntih, ban pynthikna ïa ka jingpynïapherïa ki niut ha ka rukom kaba dei, bad ban kyntiew ïa ki sienjam ba ïalam da ki samla pule, da kaba buh nuksaïa ka imlang sahlang.
Ka Kong Odalin Sumer, Medical Health Officer ka East Khasi Hills ka la ai jingkren halor ka jingbam kaba tei ia ka met bad ka rukom bam kaba tei met. Ka la ban jur ban kynthup ïa ki jingbam ba tei met kiba lah ban ïoh ha ka thain ha ki jingbam ba man ka sngi bad ka la ban jur ïa ka jingdonkam jong ka prokram Weekly Iron and Folic Acid Supplementation (WIFS) ha kaba ïada na ka jingdunasnam ha ki khynnah samla bad kyntiew ïa ka koit ka khiah bad ka bor pyrkhat.
Ia kane ka prokram la pynlong ha ka jingiadonlang ka Principal jong kane ka skul ka Kong MajellaBadwar, kaba la ïarohïa kane ka sienjam bad pynpaw ka jingsngewkmen ba ki samla pule ki ïohïa ka jingtip kaba kordor halor ka jingkhuidjingsuba bad ka jingbam kaba tei ia ka met, kiba kongsan na ka bynta ka jingheh jingsan jong ki.
Ka prokram ka la sakhiïa ka jingïashim bynta shitrhemna ki nonghikai bad ki samla pule, kaba la wanrah ïa ka rynsan kaba sngewtynnad ban pynphriang jingtip shaphang ka jingkhuidjingsuba bad ka rukom im kaba koit ba khiah.
