Pynlong ka HCL ia ka jingialang ha NEHU ban ia kren halor ki jingiarap na ki kompnei ha ri India
Shillong, Jylliew 21: HCL Foundation kaba pyniaid ia ka Corporate Social Responsibility (CSR) bad ia ki mat jong ka Kompani teknoloji ba la paw jong ka pyrthei ba la tip kum ka HCLTech ha India, mynta ka sngi ka pynlong ia ka HCLTech Grant Pan-India Symposium 2024 kaba saw ha North-Eastern Hill University, Shillong, Meghalaya, halor ka matpdeng ‘Ka bynta jong ka CSR ha ka roi ka par ha ki jaka ba kyndong jong ki jylla shatei lam mihngi jong ka Ri India’.
Da ka jingthmu ban pynkhlain ia ka roi ka par kaba neh ha ki jaka ba kyndong jong ka Ri, ka HCLTech Grant Pan-India Symposium ka ai ia ka rynsan ia ki kynhun ba don jingthmu ban trei ha ka imlang sahlang, kynthup ia ki Sengbhalang, Seng trei mon sngewbha, Ki ba trei na ka bynta ka imlang sahlang bad kiwei kiwei, ban iatreilang bad ban ia ai jingmut mar kylliang ia ki buit treikam bad ki jing ia sngewthuh lang.
“Ka thong ba khraw jongngi ka long barabor ban noh synniang sha ka roi ka par jong ka imlang sahlang kaba ngi shong ngi sah bad ka HCLTech Grant ka dei ka lad ba ngi ai ka jing ia treilang ryngkat bad ki Seng bhalang, Seng trei mon sngewbha ba la tip kum ki NGO da kaba ngi don ka juh ka thong.
Ka Symposium ka la pynshisha ba ka long kaba kongsan tam bad ka la ai ka lad ia ngi ba ngin ia kynduh ia ki NGO bapher bapher ban iathir iatai ia ki mat ba jwat bad kiba donkam.
Shalyndet kine ki symposium, ngi da kmen palat ban iohi ba ki NGO ki phah ia ki jingmut na ka bynta ka HCLTech Grant bad ban iatrei lang bad ki ban wanrah shibun ki jingkylla ha ka imlang sahlang,” ong U Dr. Nidhi Pundhir, Vice President, Global CSR, HCLTech and Director, HCLFoundation.
ka HCLTech Symposium 2024 ka don jingmut ban wanrah ia ka jingkyrsiew jong ka HCLTech Grant hapdeng ki NGO bapher bapher. Ka bynta kaba 10 jong ka HCLTech Grant India kan ai ia ka fund kaba Rs.16.5 Klur (2.2 Million Dollar) sha ki 9 tylli ki NGO, kiba shah jied lyngba ka jingpyniaid kaba khlain,ba shai bad ba long laitluid kumba ju leh ha ka rukom synshar paidbah.
Lai tylli ki NGO kin ioh mar Rs.5 Klur na ka bynta ki Project jong ki kaba saw snem ha ka liang ka Jingkoit Jingkhiah (Health), ka Pule puthi (Education) bad ka Mariang (Environment). Bad Hynriew tylli ki NGO kin ioh ia ka grant kaba Rs.25 Lak na ka bynta ki project kaba shi snem.
