Shillong, Iaiong 19: Mynta ka sngi ka High Court ka jylla Meghalaya kala pynlong ia ka jingialang kaba shi sngi halor ka phang, “ ka iing bishar, lapathai khubor bad ki ain tynrai kiba hap hapoh ka khyrngit kaba hynriew jong ka riti synshar ka Ri India.
U Justice Surya Kant, u nongbishar ka Supreme Court jong ka Ri India, u la long u kongsan ha kane ka jingialang bad u la kren halor ki rukom shong bishar ia ki mukotduma da kiba bun rukomm .
Ha kane ka sngi u Justice Pinaki Chandra Ghose, ba dei ruh dkhot ba rim jong ka Lokpal bad kum u nongbishar barim jong ka Supreme Court ka Ri India u la ia shim bynta kum u ba shah khot sngewbha.
Kiwei ki nongbishar kiba la don lang ha kane ka sngi ki long u Justice I.P. Mukerji, Chief Justice ka High Court ka jylla Meghalaya; Justice Moushumi Bhattacharya, Judge, High Court ka jylla Telangana; Justice H.S. Thangkhiew, bad u Justice W. Diengdoh, Judges nongbishar ka HCM kila don lang.
Ha kane ka jingialang kila ia kren ia kiba don kam ba kumno ban don ka jingiajan hapdeng ki iing bishar, Lat Pathaikhubor bad ki nongsynshar kiba dei ha ki jaka kiba hap ha ka khyrngit kaba hynriew ka riti synshar ka ri India.
