Shillong, Lber 22: Ka IIM Shillong, kaba ioh jingkyrshan na ka Tnad kam ialehkai, Sorkar India, ka la pynlong ia ka international seminar kaba lai sngi kaba la tip kum ka “Youth for Impact: Driving Equity and Innovation in Sports Leadership” ha ka 5–7 tarik Lber, 2026, ha ka jaka treikam jong kane ka jaka pule ha Shillong.
Ka seminar ka la long ka rynsan kaba kongsan na ka bynta ki polisi bad ki kam ai jinghikai kaba la pynïasoh lang ïa ki riewshemphang, ki nongthaw polisi, ki nongïalehkai, ki nongpyntreikam, bad ki samla nongwad bniah ban wad bniah ïa ka bynta ba wanrah jingkylla jong ka kam ïalehkai ha ka imlang sahlang.
Ka sienjam ka thmu ban kyntiew ia ka jingiakren bad ka jingwad bniah kumno ki kam ialehkai ki lah ban nohsynniang ia ka jingryntih, ka jingkyntiew ia ka jinglong nongialam, ka jingsaindur thymmai, bad ka roi ka por kaba kynthup lang ia baroh hapoh ki jinglong jingman jong ki kam ialehkai.
La sdang ia ka jingialang pliepaidbahha ka 6 tarik Lber da ka jingthangia ka sharak. U Prof. PradeepRathore, Chairpersonu la ai jingbatai shaphang ka seminar bad ka jingthmu jong ka ban pynkupborïa ki nongialehkai jong ka India—khamtam ha ka thaiñShateiLammihngi—lyngba ka jingïakrenshaphang ka jingiaryntih, ka jingai bynta bad ka jingsaindur thymmai ha ka inglongnongialam ha ki kam ialehkai.
Ha ka jingai jingkren pdiang sngewbha, ka Prof. NalinipravaTripathy, Director (I/C), IIM Shillongka la ban jur ia ka bynta jong ka jinglong nongialam ki samla ha kaba saindur ia ka lawei jong ka India.
Ka la ong ba ka kam ialehkai ka wanrah ia ka jinglong ryntih, ka jingtreilang, bad ka jingskhem jingmut katba ka kyntiew ia ka jingai bynta lang bad ka jingkiew shaphrang jong ki briew.
Ka la ban jur ruh ïa ki sienjam jong ka ri kum ka Khelo India, kiba pynkhlaiñïa ki kam ïalehkaiha ki jaka nongkyndong bad ai mynsiemïa ki samla kiba don sap sha ka jingthmu jong ka Viksit Bharat 2047.
Ha kane ka seminar la wan iashim bynta u HariRanjanRao, IAS, Secretary, ka tnad Sports hapoh ka Tnad Youth Affairs and Sports, Sorkar India, kum u Kongsan. Ha ka jingai jingkren jong u, u la kren shaphang ka jingkylla ha ka jinglong jingman ka kam ialehkaijong ka India bad u la ban jur ïa ka jingdonkam ban tei ïa ka rukom treikam kaba pynleit jingmut ha ki nongïalehkai bad ba la ïalam da u coach, katba u la ban jur ruh ïa ka bynta ba kongsan jong ki jaka pule kum ka IIM Shillong bad kiwei kiwei ki skul kiba ai jinghikai ha ki kam khaii pateng ha kaba pynkhlain ïa ka jingpyniaid ia ki kam ïalehkai.
Ki Symbud Kongsan ki kynthup ïa u Prof. Deepak Kumar Srivastava, Director, IIM Ranchi, uba la kren shaphang ka jinglong kongsan ha ka jingtbit ha ka rukom treikam, ki jingdon jingem ha ki jaka nongkyndong, bad ka jingdon bynta ki kompeni ha ki kam ialehkai, bad ka Prof. Kalpana Sharma, Vice Chancellor, Lakshmibai National Institute of Physical Education (LNIPE), ka la ban jur ia ka jingiashim bynta jong ki samla bad ka mynsiem trei mon sngewbha ban tei ia ka lawei jong ka jinglong nongialam ha ki kam ialehkai.
Ka jingialang plie ka la kut lyngba ka jingpynbna shaphang ki jingjia ha kane ka jingialang bad ka jingkren ai khubleina u Prof. DevanshPandey, IIM Shillong.
Ka jingialang ka la sakhiia ka jingiashim bynta na ki nongwad bniah na ki ri bapher bapherbad na ka ri, kaba long ka dak jong ka jingpeit bniah ka pyrthei ia ka jinglong nongialam ha ki kam ialehkai. Kaba kham kongsan ka long ba u Ibrahim Adamuna Nigeria u la wanrahïa ka jingwad bniah kaba la tip kum ka “Sports as a Catalyst for Social Transformation: Empowering Nigerian Youth Toward Equity and Inclusive Leadership.”
Ki riewshemphang na kylleng ka ri India, kynthup ruh ïa ki nongïashim bynta na Kashmir, Delhi, Assam, Pune, Mumbai, Lucknow, bad kiwei kiwei ki bynta jong ka Uttar Pradesh, ki la nohsynñiang lang ha ki jingïakren.
Ka jingïalang ka la don ruh artylli ki jingïakren kiba la pynïasohlangïa ki nongthaw polisi, ki nongïalehkai, ki riewshemphang, bad kito kiba don bynta ha ki kam karkhana.
Ka jingïalang kaba nyngkong kaba la tip kum ka “Sport 2.0 – Technology, Inclusion, and the New Meaning of Success,” ba la pynïaid da u Prof. DevanshPandey, la donlang uDr.SubhashBasumatary, Regional Director barim jong ka Sports Authority of India; u JayantaTalukdar, u nongsiatkhnamuba la iakhun ha ka lympungialehkai Olympics, Prof. LaishramThambal Singh, Professor bad Head of Physical Education and Sports Science ha Manipur University; bad uDulonBanjopKharsati, Nongseng jong kaDubakh Sports Pvt. Ltd. Ka jingiakren ka la ban jur kumno ka teknoloji, ki polisi ba ai bynta lang ia baroh, bad ki rukom treikam ba iatreilang ki pynkylla dur biang ia ka jingjop ha ki kam ialehkai jong kane ka juk.
Ha kawei pat ka jingialang, kaba la pynïaid da u Prof. Ravi Shankar Bhakat, IIM Shillong, la iadonlang uKausarJamilHilaly, IAS, Special Secretary, Tnad Sports & Youth Welfare, Assam; ka samla Rifiness Glory Warjri, ka samla na Meghalaya kaba rit tam ka rta kaba la kiewia u lum Everest; bad ka samla Phoebe Dale Nongrum, kaba dang ïakhun mynta ha ka Formula 4 bad ka Ahura Racing ha ka JK Tyre National Racing Championships.
Ki riewshemphang ki la iakren shaphang ka jingkyntiew ia ka jingryntih, ka jingai bynta lang ia baroh bad ka jinglong nongialam jong ki samla hapoh ka jinglong jingman ka kam ialehkai.
La wanrah haduh 17 tylli ki research paper ha kane ka jingïalang, kiba kynthup ïa ki phang bapher bapher hapoh ka jinglong jingman ka kam ïalehkai. Ki jingiakren ki la ban jur ia ka bynta kaba nangkiewjong ka teknoloji bad ka jingpeit bniah ia ki jingtip ha ka jingpyniaid ia kikamialehkai bad ka jinglehkaibha jong ki nongialehkai, bad kumjuh ruh ia ka jingdonkam jong ka kam ialehkaiban kyntiew ia ka jingai bynta lang ia baroh ha ka imlang sahlang bad ban weng ia ki jingbymryntih.
Ki la don ruh ki bynta kiba peit ïa ka jingïashim bynta jong ki samla ha ka jingpyniaid ia ki kam ïalehkai, ka jingsaindur bad ka jingseng kam seng jam ha kaba iadei bad ka kam ïalehkai, bad ki rukom treikam ban pynkhlain ïa ka kam ïalehkai jong ka India.
Kiwei pat ki phang ki kynthup ia ka jingpyniaid iew ia ki kam ialehkai, ka jingiaryngkathapdeng shynrang bad kynthei, ka jingithuh ia ki sap, bad ka sports science, kaba pyni ia ka jinglong kaba nang kiew bad kaba iadei bad ka jingbun ki bynta jong ka jinglong nongialam ha ka kam ialehkai.
Ha kane ka seminar la pynkup burom ïa u Sagar Kumar na Jawaharlal Nehru University da ka khusnam Best Paper Award halor ka paperjong u kaba la ai kyrteng “The Behavioral Inequality Trap in Indian Sports.” Ia kane ka khusnam la ai da ka Prof.NalinipravaTripathy, Director (I/C), IIM Shillong.
Kiba la ïashim bynta ha kane ka seminar ki kynthup ïa ki delegate na ka MYBHARAT/NYKS, ki samla pule na ka Lady Keane College (NSS) bad Shillong College (NSS), kumjuh ruh ki samla pule na ka PGP programme jong ka IIM Shillong.
Kum shi bynta jong ka seminar, ki nongiashim bynta ki la leitjngohia ka museum, kaba la plie lad ia ki ban sngewthuh ia ka pateng ba riewspah ha kaba iadei bad kolshor bad ki ritidustur jong ka thain shateilammihngiKa jingleitjngohka la ai ka jingsngewthuh kaba kham bniah ia ki nongiashim bynta shaphang ka jinglong jingman kaba iar jong ka thain.
Ka seminar ka la kut lyngba ka jingpyniia ka kolshor, kaba rakhe ia ka jingiatreilang bad ki jingiakren hapdeng ki nongiashim bynta.
Kane ka seminar ka la pynbiang ia ka rynsan kaba pynïasohïa ki jingwad bniah, ki jingïakren halor ki polisi, bad ki jingsaindurkiba thymmai kiba iadei bad ka jinglong nongialam ha ka kam ialehkai, kaba pynskhemïa ka jingdonkam kaba nangkiew jong ka kam ialehkai kum kaba plie lad ïa ka jingpynkupbor ïa ki samla, ka jingkylla ha ka imlang sahlang, ka jingsaindurïa ka teknoloji, bad ka jingsynshar kaba ai lang ïa baroh.
