Shillong, Lber 18: Ka Revenue bad Disaster Management Department bad ka Meghalaya State Disaster Management Authority (MSDMA) ha ka jingiatreilang bad ka National Disaster Management Authority (NDMA), Government of India, mynta ka sngi ka la pynlong ia ka Table Top Exercise, ha State Convention Centre, Shillong.
Ha kane ka jingialang la don long u Lt Gen Syed Ata Hasnain (Retd) u dkhot ka National Disaster Management Authority (NDMA) New Delhi, u Sanjay Goyal Commissioner & Secretary Revenue & Disaster Management Department, ka Kong M War Nongbri Commissioner & Secretary Revenue & Disaster bad kiwei kiwei.
Haba ai jingkren ha kane ka sngi u Lt Gen Syed Ata Hasnain u dkhot ka NDMA New Delhi, u la ong ka Ri India kam pat ju da kham mad ia ka jingjulor na ka bor mariang hynrei ki don pat ki jingjia ki ba lah ban jia ha ka Ri kata na ka jingshah kthah na ka jingkylla ka suiñbneng, kumba ngi dang wanrah ia ki jingtei kum ki surok, ki building ki industry, ki ba pher bapher kiba kat dang pynkiew ia kane ka jingjulor ka dang jan.
U la ong ba kan dei ka subject kaba donkam tam ha ka jingpule ki khynnah hadien habud kumta lada phi tip khambun shah ia kane ban ia ki khun jong phi kamut phi don ha ka phang ban kham pynbha ia ka lawei ki khun jong phi.
U la pynpaw ba u dei na ka National Disaster Management kumta u kren halor kane, ha ka Ri India ka la don ka jingjia ba shah pynjulor ha ki bor mairang naduh u snem 1999 ter ter ha ki Tsunami, Cyclone u jumai kaba la wanrah ia ka jingduh ia ki mynsiem briew da ka ki phew hajar ngut, Hynrei, namarba la kyntiew ia ka rukom treikam katkum ka juk stad science mynta, ka jingialam kaba biang mynta ngi lah ban khein shngaiñ ba lada ki wan ki kum kine ki jingjia ngin lah ban tehlakam, bad ba kan long ka jingjulor kaba duna.
U la ong ba, dang shen haba ka Cyclone ka wan sha ki thaiñ Gujarat, ar snem mynshwa, ngi la lah ban tehlakam ia ka jingjulor bad khlem don ka jingduh ki mynsiem, lada nujor kaba la jia kum ha Orrisa, Haba ngi la duh palat 10,000 ki mynsiem briew.
U la pynpaw ba ka thong kaba ngi la leh ha kane ka sngi, ka long ban pynkhreh ia kita ki jinglynshop ka bor mairang ki ba lah ban wan shisien ha ka 30 ne 100 snem, Kumba ki ong ba u jumai bah un sa wan ban pynjot ia ka jylla Meghalaya’s hadien ka 100 snem.
Kumta ngi donkam ka jing pynkhreh lupa bad ruh ngin pynthikna ba lada la wan u jumai bah ha jylla Meghalaya kan ymduh wat tang kawei ka jingim ruh, kane ka dei ka thong jong ka tnad.
