Shillong, Nohprah 12: Ka skul bah Captain Williamson Sangma State University kala pynlong ia ka jingpynshai paidbah kaba saw sngi ha kaba ia dei bad ka Artificial Intelligence, ia ka jingai jinghikai la pynlong ha poh jong ka skul bah ha Balalgre ha South West Garo Hills District.
Ia kane ka jingai jingpynshai la sdang ha ka 8 tarik bad la pynkut mynta ka sngi ka 12 tarik Nohprah 2025, ia kane ka jingai jingpynshai la ia trei lang bad ka St. Anthony’s College Shillong daka jingkyrshan ka North Eastern Council jong ka sorkar pdeng.
Ki nongkren ha kine ki saw ngut kila pynshai ka kane ka don ka Artificial Intelligence kala wanrah ia ka jingkylla ha ka pule puthi ha ka pyrthei baroh kawei, ha kine ki saw sngi ki nongkren kila pynshai ba kala don ka jingiapher ha pdeng ka Artificial Inelegance kaba la iaid mynta kumta 25 ne 30 snem bad kane ka Generic Artificial intelegaince kaba la treikam naduh u snem 2023 kumba kala paw kum ka ChatGPT.
Ki nongai jingpynshai ha kane ka jinghikai kaba saw sngi ki long u Lawmna Kima, Founder bad CEO, LushAITech Pvt. Ltd bad Executive Director, AI bad Data Practice, Ernst bad Young (EY) GDS India, Dr. Ujjal Marjit, Head, Centre for Information Resource Management (CIRM), bad Dr. Tiatemsu Longkumer, Sr. Lecturer, Royal Thimpu College kiba la ai jingkren ha kine ki sngi.
Ia ka jinghikai kaba saw sngi la plie da ka Deputy Commissioner ka South West Garo Hills District ka Hema Nayak, ha kane ka jingialang kiba la ia shim bynta dei ki samla pule jong katei ka skul bah CWSSU.
