New Delhi, Jymmang 18: Ka Directorate General of Foreign Trade (DGFT), Tnad Commerce and Industry, ka la pynmih ia ka jingpynbna kaba buh kyndon ia ki kad na ka bynta katto katne ki mar kum ki jain ba ladep suh, ki mar bam ba la pynkhreh bad kiwei kiwei, na Bangladesh sha India.
Hynrei kum kane ka jingkhang jong ka kadkan ym treikam ïa ki mar Bangladesh kiba ïaid lyngba ka India hynrei kiba leit sha Nepal bad Bhutan. Ka jingbthah, kaba la pynmih lyngba ka jingpynbna No.07/2025-26 ha ka 17 tarik Jymmang 2025, kaba bataibiahia ki jingpynkhing ha ki kad ki la treikam naduh ba la pynbna ia ki.
Yn nym shah ban wanrah ia baroh ki jaitjain kiba la dep ban suh lypa na Bangladesh na kano kano ka jaka ban pynrung ia ki mar, hynrei la shah tang lyngba ki kad lieng jong ka Nhava Sheva bad Kolkata.
Ka jingwanrah ia ki soh, ki jingdih ba don ka jingmad jong ki soh; Ki mar bam ba la pynkhreh; Ki mar ba ioh na ka jingpynmih ia u cotton bad ki jain cotton; ki mar plastic bad PVC, lait noh tang ki rong, ki mar ba donkam ban shna plastik bad ki mar kiba donkam na ka bynta ki karkhana; bad ki mardieng.
Yn ym shah ban iaid lyngba kino kino ki Land Customs Station (LCSs), Integrated Check Posts (ICPs) ha Assam, Meghalaya, Tripura bad Mizoram; bad LCS Changraband ha bad Fulbari, ha West Bengal.
Ki jingkhang jong ki kad kim treikam ïa ka jingwanrah ïa ki Dohkha, LPG, Umphniang bam, bad maw ba la pynlwet na Bangladesh Ia ka jingpynbna kaba bniah lah ban ioh na ka website jong ka https://dgft.gov.in.
