Shillong, Jymmang 24: Khmih bad pynskhem bha iakitiar kitar kiba lah ban shah rong haka lyer kum ki thupdieng, ki tin sop lane mawit ba shong synjor, ki tin bad sop theh nuit, ki sign board bad kiwei kiwei ki mar kiba lah ban shah rong ha ka por ba jur lyer.
Lada ka jingba leilieh ka long kaba jur bad neh slem kan bha shibun ban nym pyndonkam ne ban pynmeh ia ki tiar elektrik kum ki mobile, isteri, radio, telebision bad kiwei kiwei ki tiar kiba Pyndonkam da ka bor elektrik.
Ki Nong shong shnong ki dei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wa bad ki wahduid.
La kyntu ia ki paidbah ban kiar na kaba jam ia ki wahduid, ki wahbah bad ki kshaid ha ka por ba jur slap. Phim tikna ia ka bor jong ka bad ka um kaba jyndong ban tuid stet ka lah ban pynkyllon ia phi.
Wat tur ne niah ia ki kali haba donka jingshlei um bad kiar na ki post electrik ban lait naka jingshah bat ha ki bor electrik. Na ka bynta ki jingdon kam kiba kyrkieh phone sha District Emergency Operation Centre, DC’s Office, East Khasi Hills District, Shillong bad ophis jong ki Block Development Officers. Ki number ban phone: 2225289/ 2502094
