Shillong, Nailur 05: Ka Khasi Students’ Union (KSU) South Khasi Hills Unit, hapoh ka jingialam jong U President, U samla Reebokstar Diengdoh, haka sngi balang ha ka por kumba 3 baje noh phai sngi, ka la ioh ban pynphai iing kumba khyndai ngut, ki bar jylla kiba wan ban trei khlem ka work permit, hapoh ka shnong Sohra
Ha ka jingtohkit jong ka KSU South Khasi Hills Unit ia kine ki briew la ioh jingtip ba baroh ki dei kiba wan na Karimganj district jong ka jylla Assam.
Kumta, ka seng ka la pynphai biang noh ia ki sha ka jaka ba ki wan bad ka buh ruh ka jingmaham kaba tyngeh ia kito ki kontraktor; kiba ju mlien ban wan ialam ia ki bar jylla, ba kin pynbiang beit da ka work permit jong ka jylla, lem kumta ka seng kan ym shim ka jingkitkhlieh. Ong u samla Edmund Khongsya general secretary ha ka kyrwoh bala phah mynta ka sngi.
