Shillong, Iaiong 03: Mynta ka sngi ki dkhot jong ka seng HANM kila iohi ba ki don byn tylli ki bus kiba wan na Assam bad pynhiar ia ki briew ha jan NEIGRIHMS kynthup ia ki kynthei bad shynrang, halor kane ki dkhot ka seng kila leit ban kylli bad la shem ba ki thmu ban wan sah sha Meghalaya.
Na ka liang jong ka seng kila pyntip ia kane ka jingwan jong ki briew sha ki Pulit kiba don ha Mawdiangdiang bad ki pulit ruh kila wan namar kam jngai na ka jaka ba ki hiat ha k jingpeit jong ka shnong Diengiong.
Na ka liang jong ka seng kala pynphai biang ia kitei ki briew kiba la wan sha katei ka jaka da ka jingiatreilang bad ki pulit, ki leh ia kane namar ki kwah ban iohi ba kiba rung sha kane ka jylla ki dei ban biang ki kot ki sla ymban shuwan khlem biang.
Ka seng ka dawa ba ka sorkar pdeng k dei ban pyntrei kam noh ia ka ILP kaba ka iing dorbar thawain ka jylla kala shim ia ka rai ha u snem 2019, katba ym pay pyntrei kam ia ka ILP na ka liang jong ka seng kan nym shym ban rung sha jylla ia ki briew kiba khlembiang kot bing sla.
