Shillong, Lber 10: Mynta ka sngi 10 Lber 2026 u president ka seng FKJGP u bah Dunbee Khongsit ula pynrem jur iaki riewsniew kiba leit thang ia ka ophis jong ka Garo Student Union ha Tura.
Kum ka seng ka iohi ba ka daw jong kane ka jingjia ka dei ba ka Garo Hills Autonomous Council kala pynmih ia ka jingpynbna haka 17/Rymphang/2026 bad kane ka jingpynbna ka long hadien bala sngap iaka sur jong ki paidbah ha rilum Garo ba kala dei ka por ban nym ailad shuh iaki bym dei rilum ban iashim bynta ha ka MDC ilekshon.
Kane ka jingpynbna ka kren shai ba kino kino kiba kwah ban iakhun iaka MDC ilekshon ha GHADC kidei ban suhlang iaka syrnot Scheduled Tribe, hynrei wat hapdeng katei ka jingpynbna kidon ki riew shim kabu kiba la pynkhluit bad ka jingleh ka jong u S.G Esmatur Mominin uba la leit thep kyrteng ban iakhun iaka MDC bad na kane kala mih kane ka jingklumar ha Garo Hills.
Na ka liang jong ka FKJGP ka ai iaka jingkyrshan ia baroh ki seng bhalang ban pyntikna ba kiban iakhun iaka MDC ilekshon ki dei ban don iaka syrnot Scheduled Tribe namar ka jingailad ia kiwei ka pyniap noh ia ka jingthmu jong ka khyrngit ka ba 6. Namar ki district council ki long ki nongker nongda iaki riti dustur jong ki jaitbynriew riewlum.
