Shillong, Kyllalyngkot 12: Ka Hynniewtrep Youths’ Council ka pynrem jur ia ka Sorkar Jylla lyngba ka Tnat Ka Koit Ka khia ka bym shym Siew tulop ia ki Nurse ba trei hapoh ka Kontrak naduh u bnai Risaw, 2025 bad pyre ruh ia ki khlem Kano Kano ka jingthoh watla hadien ka jingkut noh ka por ba kin trei naduh u bnai Risaw, 2025.
Kane ka jingleh ka long ka jingiuhroit bad lehbein da ka Sorkar. Ban pyntrei khlem da Siew tulop bad khlem ki jingthoh jingtar ne hukum ka long ka jingpynkhein ia ki ain kiba iadei bad ki Nongtrei bad kumjuh ruh ka jingpynkhein ia ka him longbriew man briew. Ban shu kular da ka ktien bad hukum khlem jingthoh kam long kaba dei bad iahap ruh ban pyntrei khlem jingsiew da ki bnai.
Ka Seng ka pynkynmaw ia ki kular jong kane ka Sorkar kaba kam ba ka buh ia ka koit ka khiah kum ka ba hakhmat eh hynrei kumno pat ka mud ban pyntrei ia ki Nongtrei kum ki Nurse khlem ka jingsiew tulop kaba lah buh jingeh ia ki ing ki sem ki jong kin trei naduh bad ktah ruh ia ka bor pyrkhat bad ka ioh kam kot ka jong ki. Kane ka jingleh ka pynpaw pyrthei ia ka jingbymler bad jingleh bym suidniew jong ka tnat ba dei peit ha ryngkat ka Sorkar hi baroh kawei.
Ka seng ka dawa ba dei ban siew noh mardor ia ka tulop bad kiwei ki jingsiew naduh u bnai Risaw, 2025; dei ban ai noh ia ka jingthoh ban bteng biang ia ka kam ba kin trei bad ban pynshitom ia ki ophisar kiba donkti ha kane ka jinglehbein bad iuhroit ia ki nurse ba trei kontrak.
Ki Nongtrei hapoh ka tnat ka koit ka khiah Kim dei ki mraw. Ia ka hok jong ki ngin nym shah ban iuhroit, ong u President ka seng HYC u bah Roy Kupar Synrem ha ka kyrwoh kaba la phah mynta ka sngi.
