Shillong, Naitung 26: Ki Kynhun ba pher bapher ki ba don bynta ha ka ban kyntiew ia ki kam jngoh kai pyrthei ha ka Jylla ki ba don ha ka Meghalaya Tourisms Development Foroum ki la pynpaw ia ka jingsngew bitar jong ki halor ka jingjia jong ka 26 tarik u Naitung 2024 ha ka ba ki dkhot jongka seng Hynniewtrep National Youth Front (HNYF).
Ki dkhot ka seng HNYF kila bat bad khanglynti ha Umtyngngar ia ki kali ki ba wan na bar Jylla ki ba thmu ban leit shangkai sha ki thain sohra bad sha ki thain Dawki bad pynphai ia ki kali kiba la poi ha katei ka jaka.
U nongialam jong kane ka kynhun MTDF u bah Allan West u la ong ba kane ka jinleh ka long ka ba khlem akor bad ka ba pynsniew dur ia ka Jylla baroh kawei. U la ong ruh ba kane ka jingleh ka la wan rah ia ka jingsniew dur ha ka kam jngohkai pyrthei ha ka Jylla.
U bah Alan u la ong ba kam dei ka ba suk ban kyntiew ia ki kam jngohkai ha kane ka Jylla ha duh kumne kum ba ka long hynrei kum kine ki jingleh kan ktah bha ia ka Jylla. u la buh ruh ka jingkyntu ia ki seng bhalang ba lada ki pynlong ia kum kine ki jingiakhih kim dei ban lehsyndet hynrei ki dei ban da ia khieh kat kum ki lynti ym da ka ba leh jubor.
U bah Alan u la ongruh ba u la ioh jingtip ba kane ka jingle jong kane ka seng HNYF ka la war ia ka jingduhnong ha ki thain nongkyndong kiba kamai jaka kpoh na ka kam jngoh kai pyrthei.
U la ong ruh ba ka kam jngohkai pyrthei ka dei ka khaii pateng ka ba khlem jingkhang na kino kino ha ka ba ki briew ki lah ban pynlut ha kane ka kam. U la ongruh b aba dei lyngba ka kam jngohkai pyrthei ka ba lah ban pynlait ia ki briew jong ka jylla ban pynjot ia ka ka mariang.
Kane ka kynhun ka ba kynthup ia ka Tour Operators Association of Meghalaya (TOAM) Meghalaya Rural Tourism Forum (MRTF) Meghalaya Tourism Development Forum (MTDF) Tour Guides Association of Meghalaya, Central Body (TGAM,CB).
Federation of Shillong Hotels (FOSH) Department of Tourism bad Travel Management, Martin Luther Christian University Department of Tourism & Hotel Management, NEHU, ki la pynremjur ia ka jingleh ka seng HNYF bad ka la pynkhreh ruh ban thoh da ka jingthoh sha u myntri ka tnad jngohkai u bah Paul Lyngdoh ba un shim khia halor kane ka bynta.
