Shillong, Naitung 01: Ka seng jong ki mongniah trok kaba la tip kum ka Khasi Jaintia Raw Material Suppliers Association ha ka 1 tarik naitung 2025 ka la ia kynduh ia u symbud myntri rangbah ka jylla u bah Preston Tynsong, halor ka jingkynduh jingeh jong ki namar ka jingpynsangeh iaid kali ka surok Mawmaram shaduh Ladumsaw.
Ha ka jingiakren sha ki nongthoh khubor u bah Paul Kharbani sectrery ka association u la ong ba, Ka jingpynsangeh iaid kali na katei ka surok mynta ka arbnai ka ktah ktah jur ia ki nongniah trok kiba hap iaid na katei ka surok. U la iathuh ba ka jingpynsangeh iaid kali na katei ka surok ka dei namar ka jingsynjor ka jingkieng kaba don ba Mawlyndep.
U la ong ba, ha kine ki arbnai ba pynsangeh iaid kali katei ka surok ki trok kila hap ban iaid na Mawryngkneng, hynrei ka jingeh ka long ba, da jingiaid na Mawryngkneng ka la ktah shibun ha ka jinglut jingsep bad kumjuh ruh kal a shim bun ka por.
U bah Paul Kharbani u la iathuh ba, halor kane u bah Preston Tynsong u la ai jingkular 100% ba ha kine ki 2 ne 3 sngi yn plynlait noh ia katei ka surok bad shah iaid noh ia ki trok 6 taïar.
