Shillong, Rymphang 20: U Lamphang ka iing dorbar thawain ka jylla Meghalaya u Thomas A Sangma mynta ka sngi la khot ia ka jingialang kaba kyrkieh jong ka Business Advisory Committee da ka jingbit jong ka sorkar jylla bad ha kane ka jingialang la shim ia ka rai ban pynsangeh ia ki kam kiba dei ban shim mynta ka sngi hapoh iing dorbar kum ka jingburom ia ka jingkhlad u Dr. Ricky Andrew J. Syngkon.
U Lamphang ka iing dorbar la ong ba kan don ka jingiashong dorbar ba kin pynlong ia ka jingleh burom naka bynta u MP bala khlad noh bad hadien kata yn sa pynsngeh noh ia ka jingiashong dorbar na ka bynta mynta ka sngi bad la ioh ia ka jingmynjur na ka sorkar ba nym shim ia ki kam kiba dei mynta ka sngi hapoh iing dorbar.
La ong ba ka jingkren ai khublei ia ka jingkren jong u Lat hapoh ka iing dorbar yn sa pynbeit da kum wei ynda la pynbeit thymmai ia ka por shong dorbar. Ia ka jingialang jong ka BAC la pyniaid da u Lamphang ka iing dorkar.
Kiba la don lang ki long u myntri rangbah ka jylla u Conrad K Sangma bah Prestone Tynsong symbut myntri rangbah ka jylla ba dei peit ia ka tnad Parliamentary Affair, nongialam ka liang pyrshah Dr. Mukul Sangma, bah Charles Pyngrope, bah Paul Lyngdoh bad u Secretary ka Assembly u Malthus S Sangma.
