Shillong, Nailur 29” Ka United Hynniewtrep Movement West Khasi hapoh ka Jingialam U President Samla Moonstar Nongrem Bad Genl Secy Samla Bishar Rekon Thabah Mynnin ka 27/9/2024 ka la ioh ban plie iakawei ka iing kaba ki la pynshna na ka bynta i wei i khunswet ka Kong Sridevi Basaiawmoit naka Shnong Tiehbah kaba hap hapoh Eastern West Khasi Hills.
Bad hakane ka Sngi plie iakane ka iing kaba ladep la ia don ryngkat ruh ki Nongialam ka seng lyngba ki Units bad Circle bapher bapher kiba hap hapoh West Khasi Hills bad ruh la wan ban synran lang ki Nongkitkam ka CEC naduh U President rangbah duh ka Seng Bah Charlie J Rani.
Kiwei ki long u vice President Bah Kenneth Jana bad ki nongkitkam ka Women Wing Central Body ,u Sordar Bad Secretary ka shnong Tiehbah ,Ki Samla ba ju iai leh ki kam synei ryngkat ruh kiba haiing ha sem i Kong Sridevi Basaiawmoit.
Hakane ka sngi Plie lah ka Seng Ka la ioh ban aiti noh iakane ka iing ha ine i khunswet Kong Sridevi ba in ioh noh ban pndonkam kum ka iing trai naduh kane ka sngi bad ruh hakane ka sngi ba plie la ioh ban khap ia u Ribbon kum ka Dak ba la plie iakane ka iing da u president ka UHM West Khasi Hills ryngkat U President rangbah ka CEC.
Ha kane ka sngi ha shwa ban plie iaka iing la ioh ka Jingduwai ainguh ia u Trai Kynrad Na U Secretary Shnong Tiehbah bad .Bad Haba ai Jingkren hakane ka sngi plie ki kynthup ia Sordar Shnong Tiehbah,Vice President ka Central Body Women Wing I Kong Kordor Madur ,U President Ka West Khasi Hills Samla Moonstar Nongrem bad ruh na u President rangbah Ka Seng U Bah CJ Rani.
