Shillong, Jymmang 30: Mynta ka sngi u Lat ka jylla u CH Vijayashankar u la pynbam smai ia u Cavouright P Marak kum u shongknor ka Meghalaya Lokayukta ha Raj Bhavan Shillong ha kane ka sngi la don lang ki ophisar ka sorkar jylla khamtam u Chief Secretary u bah DP Wahlang.
U Cavouright P Marak u dei na ka Indian Forest Service (IFS) bad u la shong thait na ka kam na ka tnad khlaw jong ka sorkar jylla bad mynta u la shah thung kum u shongkor ka Meghalaya Lokayukta.
Ha kane ka jingpynsmai ia u kum u shongknor la don lang kiba ha iing ha sem jong u Cavouright ban ia sakhilang ia kane ka jingpynsmai ba un sa shimti ia ka kam kum u shongknor ka Meghalaya Lokayukta.
