Shillong, Iaiong 30: U Lamphang ka iing dorbar thawain ka jylla u bah Metbah Lyngdoh ha kren ha ka jingialang kaba shisien ar snem jong ka All Meghalaya Primary School Teachers’ Association (AMPSTA) la pynsngew ba kan bha lada don noh tang ar lane lai jait ki jaid skul, balei yn donbun jair ki skul.
Haba kren kum u kongsan ha kane ka jingialang jong ki nonghikai Primary u bah Metbah u la pynsngew ba ki nonghikai naduh Primary haduh Higher Secondary ha ka jylla baroh kawei ki don palat 32000 ngut bad ka sorkar ka pynlut ha ka tulop kumba T.1770 klur ha ka shisnem.
U Lamphang ka iing dorbar u la pynpaw ha kane ka jingialang ba ka sorkar, u myntri ba dei peit ia ka tnad pule puthi bad ki ophisar jong ka tnad pule kid a trei shitom shisha kumno ban pyniaid beit ia ki kam skul ha ka jylla. La kyntu ia baroh ban ia treilang bad ka sorkar ban weng ia ki jingeh.
Ha kane ka jingialang mynta ka sngi na ka liang jong u Lamphang ka iing dorbar la ong ba kum ki nongmih khmat paidbah ka dei ka kamram jong ki ban trei bad ban peit ba ki nonghikai ia kidei ban ioh ia la ka jong ka bainong da kaba kyntiew ia ka jingsiew, ka sorkar kam shym la shongthait hynrei ka dang trei mynta halor kane ka bynta.
Ha ka juh ka por la kyntu ia ki nonghikai haba ki leit sha ki skulban hikai dei ban don ia ka thong kaba ki trei ban kyntiew ia ki khynnah bad la ong ba ki jinghikai ia ki khynnah ka dei ban long kumni ban weng ia ki jingeh ym ban shim ia ka kabu. La ong ba ki nonghikai ki don ka bynta kaba kyrpang ha ka bynta jong ki khynnah ban saindur ia ki.
Ia kane ka jingialang ba shisien ar snem la pynlong ha iing dorbar jong ka Jaiaw Lumpyllon bad ia ka jingialang la pyniaid da u president ka seng u bah F C Shulai, ha kane ka sngi ki nonghikai na kylleng kila wan ban ia shim bynta ha kane ka jingialang jong ki.
