Shillong, Lber 17: Ka ophis jong ka Deputy Commissioner jong ka East Khasi Hills District kala pyntip ba kam don jingduna ha ka jingdon ki tyndong ley shet bad ki don bad baroh ki nongsham ia ki tyngdong lyer.
Ka Oil Marketing Companies (OMCs) bad ka LPG distributors kila pyntip ba ki pynpoi ia ki tyngdong lyer bad kam don kano kano ka jingthut bad kaei kaba don mynta ka biang kam don jingduna ha baroh ki district.
Hynrei, kaei kaba jia ka shulong ba ka don ka jingslem ban poi tang hapoh shisngi shiteng,kumta la kyntu ia ki paidbah ba kim dei ban khih jingmut lane ban buh ia ki tyndong lyer namar kane ka jingleh ka ktah ia kiwei kiba pyndon kam.
La bthah ia kiba pyndon kam ia ka tyndong lyer ban shep ba kin phah ia ki jingtip kumba juh long na kaei kaba ki juhleh bad lada kam long ban leh online ki lah ban leit sha ki jaka ban buh kyrteng bad kiba juh shim tyndong lyer.
Ban lait na kano kano ka jingeh la kyrpad ia baroh kiba pyndon kam ia ka tyndong lyer ban shet ki dei ban leh ia ka e-KYC bad ki jaka kaba ki shim ia ka tyngdong lyer ba kin leh kham kloi bad kim dei ban don kano kano ka jingsyier.
