Shillong, Iaiong 02: Ka tnad ka sorkar pdeng kaba peit ia ka suin bneng ka India Meteorological Department (IMD) kabna hap hapoh ka jingpeit ka tnad Earth Sciences kalah ban kham shit ka suin bneng ha ka jylla Meghalaya bad ka jingslap kan kham duna naduh u mynta u bnai Iaiong haduh bnai Jylliew 2026.
Mynta u snem 2026 ka jingshit kan khang kiew na kaba juh long man ka por ha Meghalaya bad kane kan long ha jan baroh kawei ka jylla bad mynta u bnai Iaiong 2026 ka jingshit kam kham kiew.
Ka jingslap ha ka thain shatei lam mih ngi baroh kawei kan kham duna mynta u snem kynthup wat ia ka jylla Meghalaya bad kane kam pynlong ia ka suin bneng ba kam kham shit wat ha ka por mynsngi ne por miet ruh, kane kan ktah ia ki jaka rep kiba Shaniah ha ka um slap.
Ia kane ka jingiathuh lypa ka long na ka jinglong ka El Niño–Southern Oscillation (ENSO) kum ba ka long mynta ha ka duriaw bah jong ka equatorial Pacific Ocean, bad ka Indian Ocean Dipole (IOD) bad khmih lynti ba kine ki long kum juh bad kane kan wanrah ia u slap ha kine ki jaka.
