Shillong, Lber 21: U Myntri Rangbah ka sorkar jylla u Conrad K Sangma mynta ka sngi u la pyntip ba ka Sorkar Pdeng, ka la pyllait ia ka baibam ki khynnah kaba dei ka bynta kaba khatduh kaba la kot sha ka T 85. 0779/- klur tyngka na ka skhim “Umbrella Scheme of Post Matric Scholarship na ka bynta ki samla pule ba dei ki riewlum. Jong u snem 2023-2024 sha ka Jylla.
U myntri rangbah ka jylla u la pyntip ia kane ka pisa baibam ki khynnah kan sa poi sha ki Akkount jong ki ha kine ki shisngi ar sngi kiba ban wan. Haba thoh ha ka ‘X’ jong u la pyntip ba kane ka bai bam jong ki khynnah ka dei ka bhah kaba khatduh.
U Myntri Rangbah ula pyntip ba ki don haduh 76,755 ngut ki samla pule kiba aplai ia ka post Matric Scholarship ha Jylla. U iathuh ba ia ka instalment ba nyngkong ba kot T. 42.32 klur la pyllait ha ka 24 tarik Jylliew 2024 bad ia kane ka pisa la sam sha ki 17,364 ngut ki samla pule.
Ia ka bhah kaba ar la pynlait T. 66.67 klur la pyllait ha ka 20 tarik Naiwieng 2024 bad ia kane ka pisa la sam sha ki 32,064 ngut ki samla pule. Ia kane ka bhah kaba lai dang ioh mynta ka sngi ia kaba yn sa sam sha ki 27, 327 ngut ki samla pule.
U Myntri Rangbah u la pynpaw ba ka Sorkar ka la kut jingmut ban nang pynjanai bad pynsted ia ka scholarship manla u snem ban pynthikna ia ka jingkyrshan ba kham kloi ia ki samla pule ka Jylla.
