Shillong,Kyllalyngkot 16: Ka All Jaintia Muster Roll Workers & labour Union (AJMRWLU) ha ka 16 tarik Kyllalyngkot 2025 ka la wan pyntip paidbah ha shillong Press club sha ki lad pathai khubor halor ka jingbym hun jong ki nongtrei muster roll ia ka jingpynbna jong ka sorkar haba iadei bad ka dor Bai bylla sngi.
Haba kren sha ki lad pathai khubor na ka liang u Nongaibuit jong ka All Jaintia Muster Roll Labour Worker Union u Bah L Khroo u la ong ha ki bnai December ka Seng ka dang dep pynlong ia ka jingiakhih ban dawa na ka sorkar ban pyntreikam noh ia ka Bai bylla sngi ne ka Minimun wages Act ne ban peit ban pynkiew 1 sien ha ka 5 snem.
Ka sorkar Jylla ne ki Jylla kiba don ha Ri India ki dei ban pynkiew ia ka nong jong ki nongtrei muster roll. La ong ka jingiakhih jong ngi ki muster roll na ka liang ka sorkar ka la kular ban pyntreikam noh ia kane daily wages ne ka wages ba ki khot ka basic flow rate.
ka Seng ka la ioh ia ka jingthoh ha ka 10 tarik Kyllalyngkot ba ka sorkar ka la shim ia ka rai ban pynkiew ia ka Basic flow Rate.
Na ka liang ka Seng ki nongtrei bylla sngi kiba don ha ka Jylla bad kiwei ki nongtrei bylla sngi ha kawei ka liang ngi pdiang ia ka jingpyntreikam ka sorkar ia ka Bai bylla sngi bad haba iadei bad ka dor ki mur ba ka sorkar ka la mynjur ka la pynkyndit ia ngi haduh kata kata namar ka jingpynkiew dor ka long da khongpong.
Ki don 4 tylli ki kyrdan kiba ki nongtrei bylla ki don jingiapher ki Unskilled Workers , Ki semi skill ,ki skilled worker bad highly skilled Workers, ha kine ki dor Bai bylla sngi ki don la ka jong ka kyrdan .
Shuh shuh u la bynrap Ha une u Snem ka Sorkar ka pynkiew tang 106 tyngka ia ki Unskilled Workers ia ki semi skilled ki pynkiew 91 tyngka , Skilled worker 75 bad ki highly skilled Workers 59 tyngka kine ki dor ki long tang na bynta 5 snem bad lada ia nujor bad ki por ba la dep ha u Snem 2018.
Ka Sorkar ka pynkiew 104 tyngka ia ki Unskilled ,Semi skilled 122 tyngka , skilled worker 160 bad Highly skilled 176, ki iapher da khongpong ha u Snem 2018 ka sorkar ka pynkiew na trai sha shalor bad ha une u Snem ka Sorkar ia kiba trei sha jrong ka pynduna shuh shuh.
Na ka liang ka All Jaintia Muster Roll labour Worker Union bad kiwei pat ki muster roll kiba don ha ka Jylla Meghalaya ki la shim ia ka rai ba kim pdiang ia ka jingpyntreikam jong ka sorkar ia ki dor Bai bylla sngi ki daw ka long mynshwa ha ka 5 snem ka sorkar ka pynkiew ia ka dor bai bylla sngi.
Mynta ka sorkar ka thew ba ki dor jong ki marbam ka la hiar bad ka pynduna ia ka dor jong ki nongtrei muster roll bad na ka liang ka All Jaintia Muster Roll Labour Worker Union kam pdiang ia ka dor bai bylla sngi kaba ka sorkar ka la buh bad ngin ai por 10 sngi ban pynbeit ia kine baroh kaba dei ka bhah jong ki nongtrei bylla sngi.
