Shillong, Nohprah 13: Ka Meghalaya Softball Association mynta ka sngi ka la ioh ban pynhap pyrda noh ia ka 3rd Meghalaya open softball championship jong u snem 2023 ha ka ba la wan ban pynhap pyrda noh da u bah Khroobok Passah u ba dei u Assistance Director jong ka sport kum u kongsan ha ryng kad ka jing ia don lang u bah Finely Pariat u ba dei u general secretary jong ka MSOA kum u symbud kongsan, ha ryngkat ka jingiadon lang u President ka MSA u Dr. Aman War, Bah Denis Shabong working president ka MSA bad kiwei.
Ia kane lympung ialehka kaba la sdang naduh 11 tarik u Nohprah 2023 ha madan Second Ground Polo, Shillong , la wan iashim bynta da ki kynhun ialehkai kylleng ki district jong ka Khasi bad Jaiñtia kiba kynthup ia ka Dkhiah na East Jaintia Hills District, Nongstoin na West Khasi Hills District, Nongpoh na Ri Bhoi District, Mawsynram na East Khasi Hills District, Jowai na West Jaintia Hills District bad Mawkyrwat na South West Khasi Hills District.
Ha ka ba ia ka nam lahduh ha ka liang jong ki shynrang la ioh ban rah da ka kynhun ka ba na MAwsynram na East khasi hills bad na ka liang ki kynthei la ioh ban rah da ka Jowai na west Jaintia hills.
Ia ka kyrdan ba-ar ha ka liang ki kynthei la ioh da ka Lyntijam na Ri Bhoi District bad balai da ka Dkhiah kaba na East Jaintia Hills District. Katba ha ka liang ki shynrang ia ka kyrdan ba-ar la ioh da ka Dkhiah kaba na East Jaintia Hills District bad ia ka kyrdan balai la ioh da ka Jowai kaba na West Jaintia Hills District.
Ia ka nam Best Pitcher la khur da u Krishna Thapa na ka Dkhiah bad ka Larishisha Phawa na Dkhiah kaba na West Jaintia Hills District.
