Shillong, Iaiong 10: Ka Hima Langrin Youth welfare Organization(HLYWO) kan nym ia shim bynta ha ka Election hapoh ki 13 tylli ki shnong, Tynrong mawpad, Rangkhiat, Phlangdiloin, Pyndensynnia, New Phanwiar, Langpa, Pud umiap, Phlangmawrah, Mawthung mlang, Maw mynsor, Nongmluh, Thynnangbriang, Mawphansaw.
Ka daw ban nym ia shimbynta ha ka election ka long halor ka jingiehnoh bein ka Sorkar Meghalaya ia ka surok kaba na Mawthawpdah, Phlangdiloin, Ranikor Road naduh u snem 1982 haduh mynta ym don ba peit ne khmih ia katei ka jaka.
Ki paidbah jong kitei ki shnong ki juh ud juh nam na kawei ka sorkar sha kawei pat la ju phah ia ki Memorandum sha ki myntri rangbah naduh ka por jinglong myntri rangbah ka jylla u bah E.K.Mawlong,Dr. D.D. Lapang kiba la bam kwai ha dwar u blei.
Ka dorkhas la ai ruh ha ka por ba long myntri rangbah u Dr. Mukul sangma bad ki paidbah ki la leit ia kynduh sha ki minister ba ba dei peit ia ka P.W.D. Road kum sha u bah Kyrmen Susngi, bah Hopingstone Lyngdoh kiba la bam kwai ha dwar ublei bad bad sha u M.M. Dango baroh kila shu long leh nohei.
Khatduh eh ka Hima Langrin Youth Organization kala phah ia ka Memorandum sha u Netin Gairam Gadkari Minister ba peit ia ka Road Transport and highway Govt. of India New Delhi ha ka 11/11/2024 ban kyrpad ia u bad ka sorkar ban trei noh ia ka surok phae- II na Wahkaji sha Ranikpor.
La ai jingtip sha u Conrad K. Sangma Chief Minister Government of Meghalaya, A.J. Syngkon M.P. Shillong bam kwai ha dwar ublei sha u bah W.R. Kharlukhi M.P.Rajya Sabha ban iarap ia ki jingeh jong ki 13 tylli ki shnong hynrei haduh mynta katei ka jingkyrpad ka khlem trei kam eiei. Halor kitei ki jingeh kiba ki paidbah ki ia kynduh ha ka leit ka wan ba khlem ka surok.
Kumta ka Hima Langrin Youth organization ka pynbna ban Bye-cut noh ia ka Election ha kitei ki 13 tylli ki shnong. Kumta la kyrpad ia baroh ki samla, ki Longkmie Longkpa bad ki Riew rangbah baroh ,kumjuh ki Sengbhalang bapher bapher ban kyrshan ia kane ka jingthmu jong ka seng.
Bad kan sa don ka Rally hadien ynda ka Election Commission kan pynbna ia ka tarik Election ba ka bynta ka By -Election M.P. jong ka Shillong Seat ha kata ka por yn sa pynbna ia ka tarik ban pynlong Rally Paidbah, la ong u bah SS Lyngdoh President ka Langrin Youth Welfare organisation ha ka kyrwoh.
