Shillong, Risaw 31: U Myntri ba dei peit ia ka tnad sam um u Marcuise N Marak haba kren ha dien ka jingialang jong ka Kabinet la ong ba ka kabinet kala shim ia ki rai ban pynkylla ia ki katto katne ki rule kiba ia dei bad ka kam die ia ka kyiad pahreng ha ka jylla ban kham pynbha ia ka rukom lum ia ka khajna.
La ong ba baroh shikatta la niew kyllum ia baroh ki jaitkyiad haki hynriew bynta bad mynta la buh noh tang san bynta, ka kabinet mynta ka sngi kala shim ia ka rai ban pynkiew noh ia ka dor kyiad da 15% da kane ka jingpynkiew ka sorkar kan ioh lum khajna tam da T.50 klur ha ka shisnem, kaba mut ba ka jylla ioh lum khajna na ka kyiad T.350/- klur tyngka ha ka shisnem.
Ka kabinet kala pdiang ruh ia ka jingpynkylla ha ka rule jong ka Meghalaya Fisheries service rule 2017, da kane ka jingpynkylla kan kynthulang ia kiba pule Msc ha ka kam ri dohkha bad ia ka jingpule BFsc kiba pule saw snem ia kane ka rukom pule ha kaba ia dei bad ka kam ri dohkha.
Ha kane ka sngi ka kabinet kala pdiang ruh ia ki sngi shuti sorkar kiban long ha u snem 2024 , ki shutki ki kynthup ia ki 23 sngi ki shuti kyllum, 22 sngi na ka bynta ki Shuti jong ka Ri, shisngi na ka bynta u Rev Thomas June, bad 9 sngi ki shututi bala buh kyrpang.
Ha ka baia dei bad ka exam na ka bynta ki MPS ki ban ioh ia ka kyrdan IPS kaba baroh shikat ia kane ka exam la pynlong da ka Union Public Service Commission hynrei mynta yn pyn long noh da ka Meghalaya Public Service Commission .
Ha ka ba iadei bad ki jingbthah ba thymmai ha ka rukom thungkam ha poh ka tnad pulit ha ka ba la wan rah ki jingkylla ha ki kato katne ki rules ki ba kynthup na duh ka kyrdan Sub Inspector, Constable UB/AB, fireman bad ki MPRO operators.
Ha kane ka jingpynkylla ia rules ka long ban wan rah ia ka jingpynkloi ha ka bai a dei bad ka jingthung kam ha poh ka tnad pulit.
