Shillong, Naiwieng 29: Mynta ka sngi ka kabinet kala shim ia ka rai ban buh hynniew tylli ki BOP ha khappud bad ka jylla Assam bad ki jaka kiba ka sorkar kan buh ia ki ktem pulit ki dei ki jaka don ka jingbym shong shngian ha khappud bad ka jylla Assam.
Ki hynniew tylli ki jaka kiba ym buh ia ka BOP ki long, kawei ha shnong Mooriap BOP ha East Jaintia Hills District, ha shnong Mukroh BOP, ha shnong Tihwieh BOP ha West Jaintia Hills District.
Ka Rani-Jirang BOP ha Ri Bhoi District, ka Umwali BOP, ka Lejadubi BOP bad ka Langpih BOP kine ki hap hapoh jong ka West Khasi Hills District, kala don ruh ka jingai jingmut na Ri Bhoi ban duh ha jan Block-II, ia mynta khlem pat shim rai hynrei la bthah iau DGP ban leit jurip ia katei ka jaka.
Ka sorkar kan sa ai ia ka jingmynjur ban ia ka Police Outpost ha Athiabari ha West Khasi Hills District, katba iaka police outpost kaba don ha Patharkhamah Ri Bhoi District yn kyntiew noh sha ka Police Station bad yn buh noh ia ka Police Outpost ha Kynshi kaba hap hapoh ka Eastern West Khasi Hills District.
Ha kane ka jingialang mynta ka sngi ka kabinet kala pdiang ban wanrah ia ka jingpynkylla ia ka Meghalaya Victim Compensation Scheme 2019, la leh ia kane katkum ka National Polisi ban pynkiew ia ka jingai jingiarap.
Ha kane ka sngi ka kabinet ruh kala pdiang ia ka Meghalaya Mental Health and Social Care Police, kumba ka long mynta ka jylla Meghalaya ka dei kaba lai shai ha Ri India ban don ia kum kane ka polisi.
