New Delhi, Jylliew 08: Ka Nongrim ba pynlong ia ka NEET(UG) 2024 Examination ka dei kaba la pynlong da ka National Testing Agency (NTA) ha ka 5 tarik u Jymmang 2024 ha 4750 tylli ki jaka thoh eksam ha 571 tylli ki nongbah, ba kynthup 14 tylli ki nongbah kiba don shabar ka ri.
Ka National Testing Agency (NTA) ka dei kaba ju pynlong ia ka NEET (UG) Examination na ka bynta ka Tnat Health and Family Welfare (MoHFW) naduh u Jymmang 2019.
Kane ka dei kum ka Entrance-cum-Eligibility Test ba ryntih ia baroh na ka bynta ka jingioh leit pule undergraduate medical (MBBS, BDS, bad kiwei kiwei) ha baroh ki jaka ai jingpule kiba iadei bad ki jingai jingsumar ha kylleng ka pyrthei.
Ki jingsngewkhia hadien ka jingpyna ia ka Resol NEET(UG) ba la pynbna da ka NTA ha ka 4 tarik u Jylliew, 2024. Hadien ba la pynbna ia ka resol, ki la don katto katne ki jingpynsngew ia ki jingsngewkhia shaphang ki cut-off score kiba heh, ki mark compensatory bad katto katne ngut ki samla kiba la ioh pura ia ki score (720/720).
Ki la don ruh ki jingpynsngew ia ki jsngewkhia shaphang ka jingdon phra ngut ki samla ba wan shakhmat duh na kawei ka centre ba kynthup hynriew ngut kiba ioh pura ia ki score, iwei iba ioh 718 bad iwei iba ioh 719 lane kaba mut ba baroh phra ngut ki samla kiba wamat duh ki dei kiba la leit leh examin ha kawei ka Centre.
Ki la don ruh ki jingpynsngew ia ki jingsngewkhia shaphang ka jingpynbna kham kloi ia ka Resol kaba la iahap lang ha ka juh ka por bad ka jingpynbna ia ka resol jong ka General Election lane ha ka 4 tarik u Jylliew. La don ka jingkynnoh ba la pynbna ia ka resol 10 sngi shuwa ban la dei ban pynbna ia kane.
Ka jingsngew jong ka NTA, ha kaba iadei bad ka jingpynbna ia ka Resol NEET UG ha ka 4 tarik u Jylliew, 2024 ha ka jaka jong ka 14 tarik u Jylliew, 2024 kumba la pynbna ha ka Information Bulletin, ka NTA ka sngew ba namar ba ki resol ki dei kiba la biang lut shuwa ka 4 tarik u Jylliew, 2024, ym don daw eiei ban pynslem ia ka jingpynbna da 10 sngi.
Shuh shuh, ka NTA ka la trei khnang ban kham pynkloi ia ka por ba shim ban pynbna ia ka resol na u snem sha u snem. Ha kaba iadei bad ki Cut off, kane ka lah ban pher katkum ka rukom lehbha jong ki samla pule.
Ha kaba iadei bad ka jingbun ki samla kiba la ioh pura ia ki score lane kita kiba ioh 720/720, la lap ba ki don 67 ngut ki samla kiba la ioh ia ki score ba pura mynta u snem. Hynrei, 44 ngut na kine ki 67 ngut ki dei namar ka jingpynkylla ia ka Physics Answer Key, kaba mynta don ar tylli ki jubab kiba dei.
Ki mark bala iarap bala tip kum “Grace Mark” na ka bynta ka jingduh ia ka por, ka NTA ka la pynbna ba la don ki Writ Petition da ki samla pule bal eh examin NEET (UG) 2024 hakhmat ka Iing Shari jong ka Punjab bad Haryana, Delhi, bad Chhattisgarh.
Ha kaba ki la pynsngew ia ka jingsngewkhia jingmut namar ka jingduh ei ka por ban thoh eksam ha ka por ba la pynlong ia ka NEET (UG) 2024 ha ka 05.05.2024, ha katto katne ki Exam Centre.
Ki samla ki la ong ba kim shym la ioh pura ia ki 3 kynta bad 20 minit ban pyndep ia ka eksam ha kine ki centre, namar ki daw bapher bapher kum ka jingam bakla ia ki Jingkylli, ki OMR ba la jot bad kiwei kiwei ki daw.
Kumta, la seng ia ka Grievance Redressal Committee (GRC) kaba kynthup ia ki riewshemphang ha ki kam pynlong exam bad ki nonghikai da ka NTA ban peit ia kine ki jingeh bad ba kan ai ia ki jingai jingmut jong ka halor kane.
Ka NTA ka la batai ia ka Iing Shari ba ia kine ki jingujor jong ki samla pule yn pynbeit katkum ki jingai jingmut jong ka GRC. Ka Komiti ka la peit ia kine ki jingujor ha ka nongrim jong ki jingai jingtip da ki nongpyniaid kam bad ki CCTV footage na ki Centre ba la jia kine ki jingjia.
La lap ia ka jingduhei ka por bad ia ki samla ba shah ktah ha kane la ai shuh shuh ki mark katkum ka jinglah ai jubab jong ki bad ka por ba ki duh, katkum ka rukom treikam bad ka rukom pyniaid ba la pyndonkam da ka Iingshari ba Halor Tam, lyngba ka jingbishar jong ka ha ka 13.06.2018 ha ka W.P. 551 jong u 2018.
Khnang ban pynbeit ia ki jingeh kiba la mih na ka jingai ia kine ki mark, ka NTA ka la rai ban thaw ia ka komiti ban peit ia kane ka kam.
