Shillong, Nohprah 19: Mynta ka sngi u shongknor ka Regional Democratic Alliance (RDA) u bah Metbah Lyngdoh u la pynbna ba la pdiang ia ka kyrteng jong u bah Robert June Kharjahrin ban long u kyrtong MP sha Lok Sabha na ka 1-Shillong Parliamentary Seat ka ban long ha u snem 2024.
Mynta ka sngi ka jngialang jong ka RDA kaba kynthup ia ki ar tylli ki seng riewlum ka UDP bad ka HSPDP kaba la long ha Pinewood Hotel Shillong kila ia kren sani bha kila poi sha ka rai ban ia pdiang lang ia ka kyrteng u bah Robert ban long u kyrtong MP jong ka RDA, ha kaba ka shap kan long ha ka dur jong ka Bom.
U bah Robert June Kharjahrin kum u samla pule u la don ha ka seng Khasi Student Union bad ha dien bala mih na ka KSU u la long u wei na ki seng ia ka seng HYC ha kaba u la long u General Secretary bad ha dien u la shah jied kum u President bad u sa hiarshuki noh ban ia shim bynta ha ka sain pyrthei.
Ha dien ba u la iehnoh ia ka kam kum u President ka seng HYC u la pyniasoh ia lade bad ka party UDP ha kaba u la pan tiket ruh ban ia khun ia ka MP sha Lok Sabha na kane ka 1-Shillong Parliamentary Seat.
Hynrei namar ka party UDP bad ka HSDP ka don hapoh ka jingiateh paralok kum ka RDA kila rah ia kane ka kam elekshon MP sha ka RDA bad kine ki ar tylli ki party kila ia kynduh bun sien kum ka RDA bad mynta ka sngi kila lah ban shim ia kane ka rai ba u bah Robert un long u kyrtong ka RDA,
