Shillong, Risaw 02: Ban rakhe ha ka rukom kaba kyrpang ia kane ka sngi kha u kpa ka jaidbynriew u Mahatma Gandhi ka Shillong Municipal Board (SMB) mynta ka sngi kala pynlong ia ka jingpynkhuid shnong na Motphran sha Garikhana.
Kane ka long kum shibynta jong ka “Swachhata Hi Seva Campaign” nalor ka jingpynkhuid ia ki surok la don ruh ka jingthung dieng, ha kane ka sngi u Chief Executive Officer jong ka SMB u bah J P Lakiang la shim ia ka jingpynsmai, ha kane ka sngi la wan ban ia shim bynta da ki samla pule ka IIPS bad William Carey University, Shillong kila ia pynlong ruh ia ka jingialehkai halor ka khuid ka suba.
Kum ka dak jong ka jingburom ia u kpa ka jaidbynriew ha kane ka sngi kha, u ophisar rangbah ka jylla u bah D.P Wahlang lem bad ki heh sorkar kila buh syntiew ha ka dur mot jong u Mahatma Gandhi ba don ha Main Secretariat Shillong.
