Shillong, Kyllalyngkot 22: ka National Institute of Fashion Technology (NIFT) kala rakhe ia ka lyngkhuh Sngi Seng jong da ka jingshitrhem ha ka 22 tarik Kyllalyngkot 2026 ha NIFT Shillong Campus, Umsawli, Mawpat, Meghalaya.
Ka Kong Daphiralin Kharjana, Managing Director, Meghalaya Handloom and Handicrafts Development Corporation Ltd. kum ka Kongsan ka la kitbok kitrwiang ïa ka NIFT ba kan nang kiew shaphrang bad ka la ban jur ruh ïa ka pateng ba riewspah jong Meghlaya ha ka kam thain jain bad jingshna tiar da ki kti.
La pynlong ia ka jingialang thung dieng ha ka jingiadonlang ka Kongsan bad baroh kiba iadon bynta lang bad ka NIFT. Ha kine ki jingrakhe la don ruh ki jingïalehkai, ka jingïakob rangoli, ki prokram ba iadei bad ka kolshor, bad ka jingplie paidbah ïa ka “NIFT Timeline Wall.”
Ïa kane ka prokram la pynlong hapoh ka jingïalam jong u Dr. Brijesh Deore, Director (I/c), NIFT uba la ai ka jingkitbok kitrwiang na ka bynta ka jingkiew shaphrang bad jingseisoh jong ka NIFT.
