Shillong, Nailar 17: Ban kynmaw burom ia ka
sngi Laitluid jong ka Ri India ki khynnah jong ka shnong Nongthliew kila pynlong ia ka jinga jinghikai bad ka jingpynkhuid shnong hapoh ka jingialam jong u Bah Scholar Lawriniang.
Ka jinghikai kaba la ai ha kane ka sngi ka long halor ka phang,Ki Khynnah ki bym kohnguh ia la ki kmie ki kpa, Ki Khynnah ki bym burom ia ki ba la heh la san, Ki Khynnah ki bym burom ia ka ktien ka Thylliej, Ki Khynnah ki bym nang ban leh khuid, Ki Khynnah ki bym nang ban niewkor ia ki jingtei ba hapoh shnong, Ki Khynnah ki bym niewkor ia ka pule puthi, Ki Khynnah ki bym tieng burom ia la u Blei.
Kane ka jinghikai ka long ba da kumno ki Khynnah kin jop ia kine, ia kane ka jinghikai la pynlong hapoh shnong Nongthliew ha madan skul Phan L Nonglait Memorial School la iawer lang ruh ia ki khynnah na ki shnong ba marjan kaba kynthup ia ki khynnah na ka shnong Langkyrteng, Dewsaw,Kurbah war,Nongthliew sharum,bad ki khynnah na shnong Umthlong,bad Laitarted.
Ha katei ka sngi la ia don lang ruh ki Sordar shnong Nongthliew Bah O.O kurbah Langkyrteng Bah S Lawriniang Kurbah War, Bah T Balawan syiem Nongthliew sharum, bah M Lawriniang bah E Khongjee Headmaster Nongthliew secondary school Nongthliew. Bah P Kurbah Headmaster Pyrda Khyllem secondary school ,Kong Monsngewbha K Jana Headmistress Phan L Nonglait Memorial School kong B shabong bad I Bah Artis Mawlong Dkhot HYC Nongthliew Circle) ba long ruh u kongsan ha katei ka sngi bad shwa ban long ka Children’s Teaching la ioh ban pynlehkai ruh ia ki jingiakop kyntip bad kiwei kwiei ki jingiakop.
Na ki sawtylli ki shnong ha kane ka jingiakop, ha ka jingiakop tyrko la ioh da ka Babianghun Giri Kurbah na ka shnong Kurbah War . Ha ka jingiakop dro la ioh da ka Larihun shabong na Laitarted, ha ka jingiakop thoh Poetry laioh da ka Daphishisha mawlong na Dewsaw, ha ka jingiakop rwai la ioh da ka Susan ksiar na Nongthliew, jingiakop shad la ioh da u Rangdajied Pathaw na Umthlong bad ha ka jingiakop riew phylla laioh da ka Halari Lawriniang na Kurbah War, ha ka jingiathuh khan byrngia la ioh da u Bisharbniah Ryntathiang na Umthlong.
Kine ki jingiakop baroh la wan ban ia shim bynta da ki khynnah kiba hapoh ka 15 snem. Ia kane ka jingiakop bad jinghikai la pynlong kum shi bynta ban saindur ia ki khynnah ha ka jingmut jingpyrkhat bad ban kyntiew ruh ia ka sap ka phong jong ki khynnah ba kin long shlur naduh dang khynnah kum ba ong ka ktien hikai ia u Khynnah naduh ba u dang khynnah khnang ba un ym kynriah wat haba u la Rangbah.
