Shillong, Iaiong 07: Ka tnad pule Community Medicine jong ka Shillong Medical College, kala rakhe ia ka ‘World Health Day 2026’ da kaba pynlong ia ki jingtrei kam kiba pher bapher ban kyntiew ia ka koit ka khiah.
Ban rakhe ia kane ka sngi la pynlong mynstep da ka jingiamreh marathon ia kaba la shim bynta da ki samla pule bad ki nongpyniaid ia ka Shillong Mediacal College bad la leit ban jngoh ia ka shnong Lum Sohriew kaba hap hapoh jong ka Block Mawphlang.
Kane ka jngleit ka long ban sngewthuh ia ka jinglong jingman ka koit ka khiah ha ki nongkyndong bad ban pynsngewthuh ia ki briew ha kaba ia dei bad ka koit ka khiah halor ka phang ka jingiashnoh kti lang yn ioh ia ka jingkoit ryngkat ka saian.
Kane ka long ba don kam ia ka jingiatreilang bad ki paidbah ban pynioh ia ka koit ka khiah bad ban ai ia ka jingiada bad ia kane ka sngi rakhe ia ka sngi jong ka koit ka khiah ba long ban kham pynleit jingmut ban pynioh ia ka imlang sahlang ia ka koit ka khiah ia baroh.
